ഈ യാത്ര ആരും മറക്കില്ല; കണ്ണിനും മനസിനും കുളിര്മയേകി പാതയോരത്തെ പൂക്കള്!
കരുളായി നിലമ്പൂർ റോഡിൽ വർണവസന്തം. വളവുമുതൽ പുള്ളി വരെയുള്ള ഭാഗത്താണ് മുല്ലയുൾപ്പെടെയുള്ള ചെടികൾ കണ്ണുകൾക്ക് വിസ്മയമായി പൂത്തുലഞ്ഞിരിക്കുന്നത്. കരുളായി ഗ്രാമ പഞ്ചായത്തിൻ്റെ നേതൃത്വത്തിലാണ് സൗന്ദര്യവത്കരണ പരിപാടി.
Lipi 25 Jan 2021, 11:29 pm
ഹൈലൈറ്റ്:
- കരുളായി- നിലമ്പൂർ പാതയോരത്ത് വർണവസന്തം.
- മുല്ലയുൾപ്പെടെയുള്ള ചെടികളാണ് റോഡരികിൽ പൂത്തുലഞ്ഞുനിൽക്കുന്നത്.
- കരുളായി ഗ്രാമ പഞ്ചായത്താണ് സൗന്ദര്യവത്കരണ പരിപാടി നടപ്പിലാക്കുന്നത്.
മലപ്പുറം: യാത്രക്കാരുടെ കണ്ണുകൾക്ക് വിസ്മയമായി കരുളായി- നിലമ്പൂർ പാതയോരത്തെ പൂക്കൾ. കരുളായി- നിലമ്പൂർ റോഡരികിൽ വളവുമുതൽ പുള്ളി വരെയുള്ള ഭാഗത്താണ് മുല്ലയുൾപ്പെടെ പൂത്തുലഞ്ഞുനിൽക്കുന്നത്. കരുളായി ഗ്രാമ പഞ്ചായത്ത് നടപ്പാക്കുന്ന മാലിന്യ നിർമാർജന പദ്ധതിയുടെ ഭാഗമായി ശുചിത്വസന്ദേശം പകരുന്നതിനാണ് പാതയോര സൗന്ദര്യവത്കരണ പരിപാടി നടപ്പാക്കിയത്.
റോഡരികിലെ ഒഴിഞ്ഞ പ്രദേശങ്ങൾ മാലിന്യം തള്ളുന്ന കേന്ദ്രങ്ങളായി മാറിയതോടെയാണ് കാടുവെട്ടിമാറ്റി പകരം പൂച്ചെടികൾ പരീക്ഷണാടിസ്ഥാനത്തിൽ നട്ടുനനച്ചത്. തെരുവോരങ്ങൾ വൃത്തിയായി സൂക്ഷിക്കാൻ ചെറുപുഴ വരെയുള്ള ഭാഗത്ത് കച്ചവടക്കാരുടെയും പൊതുജനങ്ങളുടെയും പങ്കാളിത്തതോടെ ചെടികൾ വെച്ചുപിടിപ്പിക്കാനാണ് ഗ്രാമ പഞ്ചായത്തിന്റെ തീരുമാനം. ഇതോടെ നിലമ്പൂരിൽ നിന്നും കരുളായിയിലേക്ക് യാത്ര ചെയുന്നവർക്ക് നറുമണം പരത്തി പാതയോരത്ത് വസന്തമായി മാറിയ വിവിധ വർണങ്ങളിലുള്ള പൂക്കളും കാണാം.
വളരെ മനോഹരമായി പൂക്കൾ വിരിഞ്ഞു നിൽക്കുന്നതു കാണാൻ വൈകുന്നേരങ്ങളിൽ നിരവധി ആളുകളാണ് ഈ പ്രദേശത്തേക്കെത്തുന്നത്. റോഡിൻ്റെ ആറര കിലോമീറ്റർ ഭാഗത്താണ് യാത്രക്കാരെ ആകർഷിക്കാൻ ചെണ്ടുമല്ലി പൂക്കൾ വളർത്തിയെടുത്തത്. മഞ്ഞ, ഓറഞ്ച് നിറങ്ങളിലുള്ള ചെണ്ടുമല്ലി പൂക്കളാണ് റോഡരികിൽ നട്ടിരിക്കുന്നത്.
മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ
മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ
റോഡരികിലെ ഒഴിഞ്ഞ പ്രദേശങ്ങൾ മാലിന്യം തള്ളുന്ന കേന്ദ്രങ്ങളായി മാറിയതോടെയാണ് കാടുവെട്ടിമാറ്റി പകരം പൂച്ചെടികൾ പരീക്ഷണാടിസ്ഥാനത്തിൽ നട്ടുനനച്ചത്. തെരുവോരങ്ങൾ വൃത്തിയായി സൂക്ഷിക്കാൻ ചെറുപുഴ വരെയുള്ള ഭാഗത്ത് കച്ചവടക്കാരുടെയും പൊതുജനങ്ങളുടെയും പങ്കാളിത്തതോടെ ചെടികൾ വെച്ചുപിടിപ്പിക്കാനാണ് ഗ്രാമ പഞ്ചായത്തിന്റെ തീരുമാനം. ഇതോടെ നിലമ്പൂരിൽ നിന്നും കരുളായിയിലേക്ക് യാത്ര ചെയുന്നവർക്ക് നറുമണം പരത്തി പാതയോരത്ത് വസന്തമായി മാറിയ വിവിധ വർണങ്ങളിലുള്ള പൂക്കളും കാണാം.
വളരെ മനോഹരമായി പൂക്കൾ വിരിഞ്ഞു നിൽക്കുന്നതു കാണാൻ വൈകുന്നേരങ്ങളിൽ നിരവധി ആളുകളാണ് ഈ പ്രദേശത്തേക്കെത്തുന്നത്. റോഡിൻ്റെ ആറര കിലോമീറ്റർ ഭാഗത്താണ് യാത്രക്കാരെ ആകർഷിക്കാൻ ചെണ്ടുമല്ലി പൂക്കൾ വളർത്തിയെടുത്തത്. മഞ്ഞ, ഓറഞ്ച് നിറങ്ങളിലുള്ള ചെണ്ടുമല്ലി പൂക്കളാണ് റോഡരികിൽ നട്ടിരിക്കുന്നത്.
മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ
മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ