പ്രളയ ബാധിതർക്ക് രാഹുൽ ഗാന്ധി നല്‍കിയ ഭക്ഷ്യക്കിറ്റുകള്‍ കടമുറയിൽ കെട്ടിക്കിടക്കുന്ന നിലയില്‍! വിവാദം... പ്രതിഷേധവുമായി ഡിവൈഎഫ്ഐ

മലപ്പുറം: പ്രളയക്കെടുതിയില്‍ ദുരിതമനുഭവിച്ച നിലമ്പൂര്‍ ജനതയ്ക്ക് വയനാട് എംപി രാഹുല്‍ ഗാന്ധി നല്‍കിയ ഭക്ഷ്യക്കിറ്റുകള്‍ കെട്ടിക്കിടക്കുന്ന നിലയിൽ കണ്ടെത്തി. കോണ്‍ഗ്രസ് നിലമ്പൂര്‍ മുനിസിപ്പില്‍ കമ്മിറ്റിക്ക് നല്‍കിയ ഭക്ഷ്യധാന്യങ്ങളാണ് നിലമ്പൂര്‍ പഴയ നഗരസഭാ ഓഫീസിന് മുന്നിലെ വാടക കടമുറിയില്‍ കെട്ടിക്കിടക്കുന്നത്. കടമുറി വാടകയ്ക്ക് എടുക്കാന്‍ വന്ന വ്യക്തികളാണ് ഭക്ഷ്യവസ്തുക്കള്‍ കെട്ടിക്കിടക്കുന്ന നിലയിൽ കണ്ടത്. ഇതോടെയാണ് സംഭവം പുറംലോകമറിഞ്ഞത്.

Also Read: സ്ഥാനാര്‍ത്ഥി നിര്‍ണ്ണയത്തില്‍ അപാകത; മലപ്പുറത്ത് കോണ്‍ഗ്രസില്‍ കൂട്ട രാജി, നൂറോളം പ്രവര്‍ത്തകര്‍ പാര്‍ട്ടി വിട്ടു!

ടണ്‍ കണക്കിന് ഭക്ഷ്യധാന്യങ്ങൾ, പുതപ്പ്, വസ്ത്രങ്ങള്‍, മറ്റു ഉപകരണങ്ങള്‍ എന്നിവയാണ് കടമുറിയില്‍ കെട്ടിക്കിടക്കുന്ന നിലയിൽ കണ്ടെത്തിയത്. വയനാട് ലോക്‌സഭാ മണ്ഡലത്തിലാകെ 50 ടണ്ണോളം വരുന്ന ഭക്ഷ്യധാന്യങ്ങളാണ് രാഹുല്‍ ഗാന്ധി വിതരണം ചെയ്യാന്‍
വിവിധ കോണ്‍ഗ്രസ് മണ്ഡലം കമ്മിറ്റികളെ ഏല്‍പ്പിച്ചിരുന്നത്. രാഹുല്‍ ഗാന്ധി എംപിയുടെ കിറ്റുകള്‍ക്ക് പുറമേ മറ്റുജില്ലകളില്‍ നിന്നുള്ള അവശ്യവസ്തുക്കളും കടമുറിയില്‍ കെട്ടിക്കിടപ്പുണ്ട്.

Also Read: ഇവിടെ സ്ഥാനാർഥി ഒരു വിദ്യാർഥിയാണ്! പരീക്ഷാ തിരക്കിനിടയിലും പ്രചാരണം കൊഴുപ്പിച്ച് അഭിമന്യു


അതേസമയം പാവങ്ങള്‍ക്കുള്ള ഭക്ഷ്യകിറ്റുകള്‍ പൂഴ്ത്തിവെച്ച കോണ്‍ഗ്രസ്, ജനങ്ങളോട് മാപ്പ് പറയണമെന്ന് സിപിഐഎം ലോക്കല്‍ കമ്മിറ്റി ആവശ്യപ്പെട്ടു. തദ്ദേശ തെരെഞ്ഞടുപ്പ് അടുത്തിരിക്കെയുണ്ടായ സംഭവം ഇപ്പോൾ വിവാദമായി മാറിയിരിക്കുകയാണ്. പാവപ്പെട്ടവർക്ക് നൽകേണ്ട ഭക്ഷണ കിറ്റുകളും മറ്റും കെട്ടി കിടക്കുന്ന വിവരം പുറംലോകം അറിഞ്ഞതോടെ പ്രതിഷേധവുമായി ഡിവൈഎഫ്ഐ രംഗത്തെത്തി. ഭക്ഷണസാധനങ്ങൾ പൂഴ്ത്തിവെച്ച നിലമ്പൂരിലെ കെട്ടിടത്തിനു മുന്നിലാണ് ഡിവൈഎഫ്ഐ പ്രവർത്തകർ ഇന്നലെ രാത്രി പ്രതിഷേധം നടത്തിയത്. സംഭവത്തിൽ കോൺഗ്രസ് നേതാക്കൾ ഇതുവരെ പ്രതികരിച്ചിട്ടില്ല.











മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ


മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ