മലദ്വാരത്തിൽ ഒളിപ്പിച്ച് കടത്താൻ ശ്രമം; കരിപ്പൂരിൽ 46 ലക്ഷം രൂപയുടെ സ്വർണം പിടികൂടി

മലപ്പുറം: കരിപ്പൂർ അന്താരാഷ്ട്ര വിമാനത്താവളത്തിൽ വീണ്ടും സ്വർണം പിടികൂടി. അനധികൃതമായി കടത്താൻ ശ്രമിച്ച 937.30 ഗ്രാം സ്വർണമാണ് കരിപ്പൂരിൽ വിമാനത്താവളം എയർ ഇൻറലിജൻസ് വിഭാഗം ഉദ്യോഗസ്ഥർ പിടികൂടിയത്. പിടികൂടിയ സ്വർണത്തിന് അന്താരാഷ്ട്ര മാർക്കറ്റിൽ 46 ലക്ഷം രൂപ വിലമതിപ്പ് ഉണ്ടന്ന് ഉദ്യോഗസ്ഥർ അറിയിച്ചു.

Also Read: നീണ്ട ലോക്ക് ഡൗണ്‍ കഴിഞ്ഞു; നെടുങ്കയം വിനോദസഞ്ചാരികള്‍ക്കായി തുറന്നു

കഴിഞ്ഞ ദിവസം രാത്രി 11 മണിക്ക് ദുബായിൽ നിന്നും കരിപ്പൂരിൽ എത്തിയ എഫ്z 4313 ഫ്ലൈ ദുബായ് വിമാനത്തിലെത്തിയ മലപ്പുറം തിരൂരങ്ങാടി സ്വദേശിയായ 58 വയസുള്ള യാത്രക്കാരനിൽ നിന്നും ആണ് സ്വർണം കണ്ടെത്തയത്. ഇയാൾ 1,097 ഗ്രാം സ്വർണ്ണം മിശ്രിത രൂപത്തിലാക്കി മലദ്വാരത്തിൽ വെച്ച് ഒളിപ്പിച്ച് കടത്താൻ ശ്രമിക്കുന്നതിനിടയിലാണ് പിടിയിലായത്.

Also Read: പാകിസ്ഥാന്‍ പൗരന്റെ കുത്തേറ്റ് മലപ്പുറം സ്വദേശി മരിച്ചു

അതേസമയം കരിപ്പൂർ അന്താരാഷ്ട്ര വിമാനത്താവളം വഴിയുള്ള സ്വർണക്കടത്ത് തുടർക്കഥയായി മാറുകയാണ്. ഒരുകോടിയിലേറെ രൂപയുടെ സ്വർണം കഴിഞ്ഞ ദിവസം കരിപ്പൂരിൽ പിടികൂടിയിരുന്നു.
കഴിഞ്ഞ ദിവസങ്ങളിലായി കരിപ്പൂരിൽ പിടി കൂടിയ സ്വർണമെല്ലാം ദുബായിൽ നിന്നെത്തിയ യാത്രക്കാരിൽ നിന്നാണ് പിടികൂടിയത്. കരിപ്പൂരിൽ സ്വർണ്ണക്കള്ളക്കടത്ത് വർധിച്ച സാഹചര്യത്തിൽ പരിശോധനയും ഊർജിതമാക്കിയിട്ടുണ്ട്.