മലപ്പുറം: കാലവർഷം ശക്തിപ്രാപിച്ചതോടെ മലപ്പുറം ജില്ലയിൽ ശക്തമായ മഴ തുടരുകയാണ്.
ജില്ലയില് റെഡ് അലേര്ട്ട് പ്രഖ്യാപിച്ചിരിക്കുകയാണ്. മലയോര പ്രദേശങ്ങളിലും കനത്ത മഴയാണ് അനുഭവപ്പടുന്നത്. താഴ്ന്ന പ്രദേശങ്ങള് പലതും വെള്ളത്തിനടിയിലായി.
ചാലിയാര് പുഴയില് ജലനിരപ്പ് ക്രമാതീതമായി ഉയരുകയാണ്. മേപ്പാടിയില് ഉരുള് പൊട്ടിയതോടെ ചാലിയാറിലെ ജലനിരപ്പ് ഇനിയും ഉയരാന് സാധ്യതയുണ്ടെന്ന് ജില്ലാ കളക്ടര് കെ ഗോപാലകൃഷ്ണന് മുന്നറിയിപ്പ് നല്കി.
Also Read: ചാലിയാർ കരകവിഞ്ഞു; ജില്ലയിൽ പല പ്രദേശങ്ങളും വെള്ളത്തിനടിയിലായി
ശക്തമായ മഴവെള്ളപ്പാച്ചിലില് നിലമ്പൂര് കനോലി പ്ലോട്ടിലെ തൂക്കുപാലം തകര്ന്നു. ഇതോടെ അമരപ്പലം, ആനന്തല്, എടക്കോട് കോളനികളിലുള്ള മുപ്പതോളം കുടുംബങ്ങള് ഒറ്റപ്പെട്ടു. ജില്ലയില് നിരവധി ദുരിതാശ്വാസ ക്യാമ്പുകള് ആരംഭിച്ചിട്ടുണ്ട്. നിരവധി കുടുംബങ്ങളെ ദുരിതാശ്വാസ ക്യാമ്പുകളിലേക്ക് മാറ്റി പാര്പ്പിച്ചിട്ടുണ്ട്. പല റോഡുകളിലും വെള്ളം കയറി ഗതാഗതം സ്തംഭിച്ചിട്ടുണ്ട്. ജില്ലയില് കനത്ത മഴ തുടരാനാണ് സാധ്യത.