കുഞ്ഞാലിക്കുട്ടി നിയമസഭയിലേക്ക്... ലക്ഷ്യം ഉപമുഖ്യമന്ത്രി സ്ഥാനമോ? മലപ്പുറത്ത് വീണ്ടും ലോക്സഭ തെരഞ്ഞെടുപ്പ്

കാരണം കഴിഞ്ഞ ദിവസം മുഖ്യമന്ത്രി ഉൾപ്പെടെയുള്ളവർ യുഡിഫിനെ നയിക്കുന്നത് ലീഗാണെന്ന് ഉൾപ്പെടെയുള്ള പ്രസ്താവനകൾ നടത്തിയിരുന്നു. ഈ പ്രസ്താവനകൾ പിന്നീട് വിവാദമായതിന് പിന്നാലെയാണ് പികെ കുഞ്ഞാലിക്കുട്ടി കേരള രാഷ്ട്രീയത്തിലേക്ക് തിരിച്ചു വരുന്നു എന്ന വാർത്ത ഇപ്പോൾ പുറത്ത് വരുന്നത്. കുഞ്ഞാലിക്കുട്ടി നിയമസഭയിലേക്ക് മത്സരിക്കാൻ ഒരുങ്ങുബോൾ മലപ്പുറത്ത് വീണ്ടും ലോക്സഭയിലേക്ക് ഉപതെരഞ്ഞെടുപ്പ് നടത്തണം.

മുസ്ലിം ലീഗിന്‍റെ കുത്തക സീറ്റ് ആയ മലപ്പുറം ലോകസഭാ മണ്ഡലത്തിൽ നിന്ന് കുഞ്ഞാലിക്കുട്ടി വിജയിച്ചത് കൊണ്ടാണോ മുസ്ലിംലീഗ് ഇങ്ങനെ ഒരു തീരുമാനം എടുത്തത് എന്നാണ് പൊതു ചോതിമായി ഇപ്പോൾ ഉയരുന്നത്. വിജയം ഉറപ്പുള്ള സീറ്റിൽ ആയതുകൊണ്ടാണോ കുഞ്ഞാലിക്കുട്ടിയെ നിയമസഭയിലേക്ക് മത്സരിപ്പിച്ചു കൊണ്ട് വീണ്ടും ഒരു ലോക്സഭാ ഉപതെരഞ്ഞെടുപ്പ് നേരിടാൻ ലീഗ് തയ്യാറാക്കുന്നത്? ഇത്തരം ചോദ്യങ്ങളുമായി നിമിഷ നേരംകൊണ്ട് സോഷ്യല്‍ മീഡിയയില്‍ പോസ്റ്റുകള്‍ പ്രത്യക്ഷപ്പെട്ടു. ലോക്സഭയിലും നിയമസഭയിലും കുഞ്ഞാലിക്കുട്ടി മാറി മാറി വരുന്നത് ജനങ്ങളും പാര്‍ട്ടി അണികളും അംഗീകരിക്കുമോയെന്ന ചോദ്യവും ഉയരുന്നുണ്ട്.

അതേസമയം അടുത്ത തവണ കുഞ്ഞാലിക്കുട്ടി സംസ്ഥാന രാഷ്ട്രീയത്തിലേക്ക് തിരിച്ചു വന്നതിനു ശേഷം നിയമസഭാ തെരഞ്ഞടുപ്പിൽ യുഡിഎഫിന് അധികാരം കിട്ടിയില്ലെങ്കിൽ കുഞ്ഞാലികുട്ടി വീണ്ടും തിരിച്ചു ലോക്സഭയിലേക്ക് തന്നെ പോകുമോ എന്നതും ഒരു ചോദ്യചിഹ്നമാണ്. കഴിഞ്ഞതവണ കുഞ്ഞാലിക്കുട്ടി സഹമന്ത്രിസ്ഥാനം മുന്നിൽകണ്ടാണ് ലോകസഭയിലേക്ക് പോയത് എന്ന് അഭ്യൂഹങ്ങളുണ്ടായിരുന്നു. ഇതിന് പിന്നാലെയാണ് നിയസഭയിൽ യൂഡിഎഫിന് ഭരണം മുന്നിൽകണ്ടുകൊണ്ട്, ഉപമുഖ്യമന്ത്രി സ്ഥാനത്തിനുവേണ്ടിയാണ് കുഞ്ഞാലിക്കുട്ടി കേരള രാഷ്ട്രീയത്തിലെ തിരിച്ചുവരുന്നുവെന്നതെന്നാണ് ഇപ്പോൾ പരക്കുന്ന അഭ്യൂഹങ്ങൾ.