Kodoor Panchayat Of Kicks Off New Project To Grow Vegetables In Watse Tyres
കോഡൂരിൽ ഉപയോഗശൂന്യമായ ടയറുകളിൽ ഇനി പാഴ്‍വസ്തുവല്ല, കൊതുകുകൾ വളരില്ല; പുതിയ പദ്ധതിക്ക് തുടക്കം
വനിതകൾക്കുള്ള അടുക്കളത്തോട്ടം പദ്ധതിയിലാണ് ടയർച്ചട്ടികൾ വിതരണം ചെയ്തത്. കോഡൂർ പഞ്ചായത്തിന്‍റെ പുതിയ പദ്ധതികളിൽ ഒന്നാണ് ഈ അടുക്കളത്തോട്ടം പദ്ധതി.
Lipi8 Nov 2020, 7:59 pm
മലപ്പുറം: വീടുകളിലും സ്ഥാപനങ്ങളിലും മറ്റും ഉപയോഗശൂന്യമായി കിടക്കുന്ന ടയറുകള്‍ക്കുള്ളില്‍ കൊതുകുകള്‍ പെറ്റുപെരുകുന്നതും മാലിന്യം കുമിഞ്ഞുകൂടുന്നതും ശ്രദ്ധയില്‍പെട്ടതോടെ മാതൃകാപദ്ധതി നടപ്പാക്കി കോഡൂര്‍ ഗ്രാമപഞ്ചായത്ത്. ഉപയോഗശൂന്യമായ ടയറുകള്‍ ചെടിചട്ടികളാക്കി ഉപയോഗിക്കുന്നവര്‍ക്ക് തൈകള്‍ സൗജനമായി വിതരണം ചെയ്യുകയാണ് പഞ്ചായത്ത്.
Samayam Malayalamടയര്‍ചട്ടിയില്‍ അടുക്കളത്തോട്ടം പദ്ധതിയുടെ ഉദ്ഘാടനം കോഡൂര്‍ പഞ്ചായത്ത് പ്രസിഡന്റ് സി.പി. ഷാജി നിര്‍വഹിക്കുന്നു
കോഡൂര്‍ ഗ്രാമപ്പഞ്ചായത്തിന്റെ വാര്‍ഷിക പദ്ധതി പ്രകാരം വനിതകള്‍ക്കുള്ള അടുക്കളത്തോട്ട പദ്ധതിയിലൂടെയാണ് ടയര്‍ചട്ടിയില്‍ തൈകള്‍ വിതരണം ചെയ്യുന്നത്. കാര്‍ഷിക കര്‍മസേന ആവിഷ്‌കരിച്ച പദ്ധതി പ്രകാരമാണ് വീടുകളിലും സ്ഥാപനങ്ങളിലും മറ്റും ഉപയോഗശൂന്യമായി കിടക്കുന്ന ടയറുകളുടെ പുനരുപയോഗത്തിലൂടെ പുതിയ കൃഷി രീതിയൊരുക്കിയത്. കാര്‍ഷിക കര്‍മസേനയുടെ പുതിയ പദ്ധതിയുടെയും നിലവിലെ പഞ്ചായത്ത് ഭരണസമിതിയുടെ അവസാനത്തെയും ഉദ്ഘാടനം പഞ്ചായത്ത് പ്രസിഡന്റ് സി.പി. ഷാജി നിര്‍വഹിച്ചു.
വികസന സ്ഥിരംസമിതി ചെയര്‍മാന്‍ എം.ടി. ബഷീര്‍ അധ്യക്ഷനായി. ചടങ്ങില്‍ സ്ഥിരംസമിതി അധ്യക്ഷരായ കെ.എം. സുബൈര്‍, സജ്നാമോള്‍ ആമിയന്‍, പഞ്ചായത്തംഗങ്ങളായ കെ. ഹാരിഫ റഹ്മാന്‍, സജീന മേനമണ്ണില്‍, പഞ്ചായത്ത് ആസൂത്രണ സമിതി വൈസ്ചെയര്‍മാന്‍ പി.പി. അബ്ദുല്‍നാസര്‍, കുടുംബശ്രീ സി.ഡി.എസ്. പ്രസിഡന്റ് കെ. റാബിയ, കൃഷി ഓഫീസര്‍ സി. മുഷ്ഫിറ മുഹമ്മദ്, കര്‍മസേന സൂപ്പാര്‍വൈസര്‍ ഹനീഫ പാട്ടുപാറ തുടങ്ങിയവര്‍ സംബന്ധിച്ചു.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
