മലപ്പുറം: വേനലവധി ആഘോഷമാക്കാൻ മലപ്പുറം ജില്ലയിലെ കെഎസ്ആർടിസി ഡിപ്പോകൾ ഒരുങ്ങിക്കഴിഞ്ഞു. ഏപ്രിൽ, മെയ് മാസങ്ങളിലായി 62 ബജറ്റ് ഫ്രണ്ട്ലി ട്രിപ്പുകളാണ് ഇക്കുറി കെഎസ്ആർടിസി സഞ്ചാരികൾക്കായി ഒരുക്കിയിരിക്കുന്നത്. സംസ്ഥാനത്തെ ചെറുതും വലുതുമായ നിരവധി വിനോദസഞ്ചാര കേന്ദ്രങ്ങളെയാണ് യാത്രയിൽ ഉൾപ്പെടുത്തിയിരിക്കുന്നത്.
മലപ്പുറം ഡിപ്പോയിൽ നിന്നാണ് ഏറ്റവും കൂടുതൽ യാത്രകൾ ഒരുക്കിയിട്ടുള്ളത്. ഏപ്രിൽ എട്ടു മുതൽ 30 വരെയുള്ള ദിവസങ്ങളിൽ 14 ട്രിപ്പുകളും മെയ് മാസത്തിൽ 19 ട്രിപ്പുകളുമാണ് ഇവിടെനിന്ന് ഒരുക്കിയിട്ടുള്ളത്. മലപ്പുറം ഡിപ്പോക്ക് പുറമേ പെരിന്തൽമണ്ണ, നിലമ്പൂർ, പൊന്നാനി, ഡിപ്പോകളിൽനിന്നും വിവിധ വിനോദസഞ്ചാര കേന്ദ്രങ്ങളിലേക്ക് യാത്ര നടത്തുന്നുണ്ട്. മൂന്നാർ, വയനാട് ഉൾപ്പെടെയുള്ള യാത്രകളിൽ നിരവധി യാത്രക്കാരാണ് കുടുംബമായും സുഹൃത്തുക്കളുമായും പങ്കെടുക്കുന്നത്.
മലപ്പുറം ജില്ലയിലെ മുഴുവൻ വാര്ത്തകളും ഒറ്റ ക്ലിക്കിൽ ഇവിടെ വായിക്കാം
വയനാട്, വാഗമൺ, ഇടുക്കി, മൂന്നാർ, കുമരകം, നെല്ലിയാമ്പതി, മലക്കപ്പാറ, അതിരപ്പിള്ളി, ഏകദിന സിയാറത്ത് യാത്ര, കാന്തല്ലൂർ, മാമലക്കണ്ടം, ചതുരംഗപ്പാറ തുടങ്ങിയ നിരവധി ഇടങ്ങളിലേക്കാണ് ഇക്കുറി യാത്ര ഒരുക്കിയിരിക്കുന്നത്.
Read Latest Local News and Malayalam News