തിരുവനന്തപുരം: എല്ലാവർക്കും കൊട്ടാനുള്ള ചെണ്ടയല്ല സ്വതന്ത്ര എംഎൽഎമാരെന്ന് കെ ടി ജലീൽ (KT Jaleel) എംഎൽഎ. മാധ്യമങ്ങളും വലതുപക്ഷവും നിശ്ചയിക്കുന്ന അജണ്ടകൾക്ക് ചൂട്ടു പിടിക്കുന്നവർ ആത്യന്തികമായി ദുർബലമാക്കുന്നത് ഏതുചേരിയെയാണെന്ന് ഗൗരവപൂർവ്വം ആലോചിച്ചാൽ നന്നാകുമെന്ന് അദ്ദേഹം ഫേസ്ബുക്ക് പോസ്റ്റിലൂടെ വ്യക്തമാക്കി.
രൂക്ഷമായ ഭാഷയിലായിരുന്നു ജലീലിൻ്റെ വിമർശനം. നിലമ്പൂർ എംഎൽഎ പി വി അൻവറിനൊപ്പമുള്ള ചിത്രം പങ്കുവച്ചായിരുന്നു ജലീലിൻ്റെ കുറിപ്പ്.
"എല്ലാവർക്കും കൊട്ടാനുള്ള ചെണ്ടയല്ല സ്വതന്ത്ര എം.എൽ.എമാർ. മാധ്യമങ്ങളും വലതുപക്ഷവും നിശ്ചയിക്കുന്ന അജണ്ടകൾക്ക് ചൂട്ടു പിടിക്കുന്നവർ ആത്യന്തികമായി ദുർബലമാക്കുന്നത് ഏതുചേരിയെയാണെന്ന് ഗൗരവപൂർവ്വം ആലോചിച്ചാൽ നന്നാകും. യഥാർത്ഥ മതനിരപേക്ഷ മനസ്സുകൾ ആന കുത്തിയാലും നിൽക്കുന്നേടത്ത് നിന്ന് ഒരിഞ്ചും അകലില്ല. അകലുന്നുണ്ടെങ്കിൽ 'അസുഖം' വേറെയാണ്. അതിനുള്ള ചികിൽസ വേറെത്തന്നെ നൽകണം" - എന്നായിരുന്നു അദ്ദേഹത്തിൻ്റെ പോസ്റ്റ്.
സിപിഐ ജില്ലാ സമ്മേളനത്തിലുയർന്ന വിമർശനങ്ങൾക്കാണ് മുൻ മന്ത്രി കൂടിയായ ജലീൽ പരോക്ഷമായ വിമർശനം നടത്തിയത്. പിവി അൻവറിൻ്റെയും ജലീലിൻ്റെയും നിലപാടുകൾ ഇടതുമുന്നണിയുടെ ഐക്യത്തെ ബാധിക്കുന്നുണ്ടെന്ന ആരോപണം സിപിഐ ജില്ലാ സമ്മേളനത്തിൽ ഉയർന്നിരുന്നു. മതനിരപേക്ഷ മനസുകളെ ജലീലും അൻ വറും അകറ്റി നിർത്തുന്നു എന്നായിരുന്നു സിപിഐ മലപ്പുറം ജില്ലാ സമ്മേളനത്തിലെ വിമർശനം.
കെ ടി ജലീൽ സമീപകാലത്ത് നടത്തിയ പ്രസ്താവനകൾ സിപിഎം നേതൃത്വം തള്ളുകയും പ്രതികരണം നടത്താൻ മടിക്കുകയും ചെയ്തിരുന്നു.
Read Latest Local News and Malayalam News
രൂക്ഷമായ ഭാഷയിലായിരുന്നു ജലീലിൻ്റെ വിമർശനം. നിലമ്പൂർ എംഎൽഎ പി വി അൻവറിനൊപ്പമുള്ള ചിത്രം പങ്കുവച്ചായിരുന്നു ജലീലിൻ്റെ കുറിപ്പ്.
"എല്ലാവർക്കും കൊട്ടാനുള്ള ചെണ്ടയല്ല സ്വതന്ത്ര എം.എൽ.എമാർ. മാധ്യമങ്ങളും വലതുപക്ഷവും നിശ്ചയിക്കുന്ന അജണ്ടകൾക്ക് ചൂട്ടു പിടിക്കുന്നവർ ആത്യന്തികമായി ദുർബലമാക്കുന്നത് ഏതുചേരിയെയാണെന്ന് ഗൗരവപൂർവ്വം ആലോചിച്ചാൽ നന്നാകും. യഥാർത്ഥ മതനിരപേക്ഷ മനസ്സുകൾ ആന കുത്തിയാലും നിൽക്കുന്നേടത്ത് നിന്ന് ഒരിഞ്ചും അകലില്ല. അകലുന്നുണ്ടെങ്കിൽ 'അസുഖം' വേറെയാണ്. അതിനുള്ള ചികിൽസ വേറെത്തന്നെ നൽകണം" - എന്നായിരുന്നു അദ്ദേഹത്തിൻ്റെ പോസ്റ്റ്.
സിപിഐ ജില്ലാ സമ്മേളനത്തിലുയർന്ന വിമർശനങ്ങൾക്കാണ് മുൻ മന്ത്രി കൂടിയായ ജലീൽ പരോക്ഷമായ വിമർശനം നടത്തിയത്. പിവി അൻവറിൻ്റെയും ജലീലിൻ്റെയും നിലപാടുകൾ ഇടതുമുന്നണിയുടെ ഐക്യത്തെ ബാധിക്കുന്നുണ്ടെന്ന ആരോപണം സിപിഐ ജില്ലാ സമ്മേളനത്തിൽ ഉയർന്നിരുന്നു. മതനിരപേക്ഷ മനസുകളെ ജലീലും അൻ വറും അകറ്റി നിർത്തുന്നു എന്നായിരുന്നു സിപിഐ മലപ്പുറം ജില്ലാ സമ്മേളനത്തിലെ വിമർശനം.
കെ ടി ജലീൽ സമീപകാലത്ത് നടത്തിയ പ്രസ്താവനകൾ സിപിഎം നേതൃത്വം തള്ളുകയും പ്രതികരണം നടത്താൻ മടിക്കുകയും ചെയ്തിരുന്നു.
Read Latest Local News and Malayalam News