ഇതാണ് മലപ്പുറം കലക്ടര്‍... എന്തൊരു കരുതലാണ്, മർദ്ദനമേറ്റ കുട്ടികളെ കാണാൻ ആശുപത്രിയില്‍, വീഡിയോ കാണാം

മലപ്പുറം: നിലമ്പൂർ മമ്പാട് രക്ഷിതാക്കൾ ഭക്ഷണം നൽകാതെ മുറിയിൽ പൂട്ടിയിട്ട് ഒടുവില്‍ നാട്ടുകാർ രക്ഷപ്പെടുത്തിയ കുട്ടികളെ മലപ്പുറം ജില്ലാ കലക്ടർ കെ ഗോപാലകൃഷ്ണൻ നിലമ്പൂർ ജില്ലാ ആശുപത്രിയിലെത്തി സന്ദർശിച്ചു. ബുധനാഴ്ച ഉച്ചയോടെയാണ് കലക്ടര്‍ നിലമ്പൂർ ജില്ലാ ആശുപത്രിയിൽ എത്തിച്ചത്. സംഭവം പുറത്തറിഞ്ഞതോടെ മാതാപിതാക്കളെ നിലമ്പൂർ പോലീസ് കസ്റ്റഡിയിൽ എടുക്കുകയും പിന്നീട് അറസ്റ്റ് രേഖപ്പെടുത്തുകയും ചെയ്തിരുന്നു.Also Read: തിരൂരുകാരുടെ ഹൃദയവും പറിച്ചുകൊണ്ടുളള പോക്കാണ്.... പ്രിയപ്പെട്ട എസ്‌ഐ ഇനി ഗുരുവായൂരില്‍, വീഡിയോ

കുട്ടികൾക്ക് ഇപ്പോൾ മറ്റു പ്രശ്നങ്ങളൊന്നുമില്ലെന്ന് കുട്ടികളെ പരിശോധിക്കുന്ന നിലമ്പൂർ ജില്ലാ ആശുപത്രയിലെ ഡോക്ടർമാർ കലക്ടറെ അറിയിച്ചു. കുട്ടികളെ വ്യാഴാഴ്ച ഡിസ്ചാർജ് ചെയ്തു മഞ്ചേരി മെഡിക്കൽ കോളേജ് ആശുപത്രിയിലേക്ക് മാറ്റും. കുട്ടികൾക്ക് മറ്റു പ്രശ്നങ്ങൾ ഉണ്ടോ എന്ന് ഉൾപ്പെടെയുള്ള കാര്യങ്ങൾ ഡോക്ടർമാർ പരിശോധിച്ചുവരികയാണെന്ന് കുട്ടികളെ സന്ദർശനത്തിനുശേഷം മലപ്പുറം ജില്ലാ കലക്ടർ കെ ഗോപാലകൃഷ്ണൻ മാധ്യമങ്ങളോട് പ്രതികരിച്ചു. കുട്ടികളെ സിടി സ്കാൻ ഉൾപ്പെടെയുള്ള പരിശോധനകൾ നടത്തും.

Also Read: മംഗളവനത്ത് കത്തി നശിച്ചത് പത്ത് ഏക്കറോളം പുല്ല്; തീപിടിത്തം പതിവെന്ന് നാട്ടുകാർ, വീഡിയോ

അതിനുശേഷം കുട്ടികളുടെ താല്പര്യമനുസരിച്ച് ചൈൽഡ് ലൈനിന് കീഴിലുള്ള സ്ഥാപനങ്ങളിലേക്ക് മാറ്റും. കുട്ടികൾക്ക് പുറത്തും അകത്തും മുറിവുകൾ ഉണ്ട് എന്നാണ് മനസ്സിലാക്കാൻ കഴിയുന്നത് എന്നും കലക്ടർ പറഞ്ഞു. ഇപ്പോൾ നിലവിൽ ആരോഗ്യ പ്രശ്നങ്ങൾ ഒന്നുമില്ലെന്ന് ഡോക്ടർ പറഞ്ഞിട്ടുണ്ട്. അച്ഛൻ കമ്പുകൊണ്ട് അടിച്ചതായി കലക്ടറോടുള്ള സംഭാഷണങ്ങള്‍ക്കിടയില്‍ കുട്ടികള്‍ സംഭാഷണത്തിനിടയിൽ പരാതി പറഞ്ഞു .

മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ
മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ