മലപ്പുറം: മലപ്പുറം ജില്ലാ കലക്ടർ കെ ഗോപാലകൃഷ്ണൻ കൊവിഡ്-19 സ്ഥിരീകരിച്ചു.
സബ്. കളക്ടര്‍, പെരിന്തല്‍മണ്ണ എഎസ്പി എന്നിവര്‍ക്കും നിരവധി ഉദ്യോഗസ്ഥര്‍ക്കും കൊവിഡ് സ്ഥിരീകരിച്ചിട്ടുണ്ട്.
കൊവിഡ് വ്യാപനം രൂക്ഷമായ ജില്ലയില്‍ കളക്ടര്‍ ഉള്‍പ്പെടെയുള്ള ഉദ്യോഗസ്ഥര്‍ക്ക് കൊവിഡ് സ്ഥിരീകരിച്ചതോടെ സ്ഥിതിഗതികള്‍ രൂക്ഷമാവുകയാണ്. ആന്റിജന്‍ പരിശോധനയിലാണ് കളക്ടര്‍ക്ക് കൊവിഡ് സ്ഥിരീകരിച്ചത്. കളക്ടറേറ്റിലെ 20 ഉദ്യോഗസ്ഥര്‍ക്കും കൊവിഡ് സ്ഥിരീകരിച്ചു.
Also Read: മലപ്പുറം എസ്പി യു അബ്ദുൽ കരീമിന് കൊവിഡ്
മലപ്പുറം ജില്ലാ പോലീസ് മേധാവി യു അബ്ദുള്‍ കരീമിന് വ്യാഴാഴ്ച കൊവിഡ് സ്ഥിരീകരിച്ചിരുന്നു. ഗണ്‍മാന് കൊവിഡ് സ്ഥരീകരിച്ചതോടെയാണ് ജില്ലാ പോലീസ് മേധാവിക്ക് പരിശോധന നടത്തിയത്. കൊവിഡ് സ്ഥിരീകരിച്ച കളക്ടര്‍ അടക്കമുള്ള ഉദ്യോഗസ്ഥര്‍ക്ക് ഇദ്ദേഹവുമായി സമ്പര്‍ക്കമുണ്ടായിരുന്നു.
കരിപ്പൂര്‍ വിമാനാപകടവുമായി ബന്ധപ്പെട്ട രക്ഷാപ്രവര്‍ത്തനങ്ങള്‍ക്ക് നേതൃത്വം നല്‍കിയ കളക്ടര്‍ക്ക് നിരവധി പേരുമായി സമ്പര്‍ക്കം ഉണ്ടായിരുന്നു ഇതേ തുടര്‍ന്ന് ഇദ്ദേഹം നിരീക്ഷണത്തിലായിരുന്നു. കരിപ്പൂരില്‍ അപകടത്തില്‍പ്പെട്ട വിമാനത്തില്‍ വന്ന യാത്രക്കാരില്‍ ചിലര്‍ക്ക് നേരത്തെ കൊവിഡ് സ്ഥിരീകരിച്ചിരുന്നു.