മത്സ്യം എത്തിച്ച ആൾക്ക് കൊവിഡ്; കൊണ്ടോട്ടിയിലെ മത്സ്യ മൊത്തവിതരണ കേന്ദ്രം അടച്ചു

മലപ്പുറം: മലപ്പുറം കൊണ്ടോട്ടിയിലെ മത്സ്യ മൊത്തവിതരണ കേന്ദ്രം അടച്ചു. കൊയിലാണ്ടിയിൽ നിന്ന് മത്സ്യവുമായി എത്തിയ ആൾക്ക് കൊവിഡ് സ്ഥിരീകരിച്ചതിനെ തുടർന്നാണ് മൊത്തവിതരണ കേന്ദ്രം അടച്ചത്. കഴിഞ്ഞ ദിവസമാണ് കോഴിക്കോട് കൊയിലാണ്ടി സ്വദേശിയായ മത്സ്യവിതരണം ചെയ്യുന്നയാൾക്ക് കൊവിഡ് സ്ഥിരീകരിച്ചത്. ഇദ്ദേഹത്തിൻ്റെ റൂട്ട് മാപ്പിൽ കൊണ്ടോട്ടി മത്സ്യ മൊത്തവിതരണ കേന്ദ്രവും ഉൾപ്പെട്ടിരുന്നു.

Also Read: രണ്ട് അപകടങ്ങൾ; കുതിരപ്പുഴയിൽ വീണ് യുവാവ് മരിച്ചു: അകമ്പാടത്ത് കുളിക്കാൻ ഇറങ്ങിയ യുവാവിനെ കാണാതായി

കൊണ്ടോട്ടി മത്സ്യമൊത്ത വിതരണ കേന്ദ്രത്തിലുള്ള ചുമട്ടു തൊഴിലാളികളോടും, മത്സ്യ കച്ചവടക്കാരോടും നിരീക്ഷണത്തിലേക്ക് മാറാൻ ആരോഗ്യവകുപ്പ് നിർദ്ദേശം നൽകി. അതേസമയം ഒരു മത്സ്യ കച്ചവടക്കാരനും, ഒരു ചുമട്ടു തൊഴിലാളിക്കും കൊവിഡ് ബാധിച്ചതായി സ്ഥിരീകരിക്കാത്ത റിപ്പോർട്ടുണ്ട്. ഇതിൻ്റെ പശ്ചാത്തലത്തിലാണ് കൊണ്ടോട്ടി മത്സ്യ മൊത്തവിതരണ കേന്ദ്രം അടക്കാൻ ആരോഗ്യവകുപ്പ് നിർദേശം നൽകിയത്. നേരത്തെ പെരിന്തൽമണ്ണയിലെ മത്സ്യ മാർക്കറ്റ് അടച്ചിരുന്നു. എന്നാൽ പിന്നീട് നടത്തിയ പരിശോധനയിൽ മാർക്കറ്റിൽ നിന്ന് ആർക്കും കൊവിഡ് സ്ഥിരീകരിച്ചിരുന്നില്ല.

Also Read: കൊവിഡ് പ്രോട്ടോക്കോള്‍ ലംഘനം; മലപ്പുറത്ത് ഇതുവരെ 6227 പേര്‍ അറസ്റ്റില്‍

Also Read: അടക്ക വിറ്റ ശേഷം നാഗപൂരിൽ നിന്ന് അരിയുമായി വന്ന ലോറിയിൽ കടത്തിയത് ഒന്നരക്കോടി രൂപ; 3 പേർ പിടിയിൽ