രാത്രിയിലെ വാഹനാപകടങ്ങൾ കുറയ്ക്കാൻ സെൻസര്‍; എതിരെ വാഹനം വന്നാൽ ലൈറ്റ് ഡിമ്മാകും! കണ്ടെത്തലുമായി മലപ്പുറത്തെ സുഹൃത്തുക്കൾ

മലപ്പുറം: രാത്രി കാലങ്ങളിലെ വാഹനാപകടങ്ങള്‍ കുറയ്ക്കാന്‍ എതിരെ വാഹനം വന്നാല്‍ ലൈറ്റ് ഡിമ്മാക്കാന്‍ സെന്‍സറുമായി സുഹൃത്തുക്കള്‍. മലപ്പുറം മൂന്നിയൂര്‍ പുത്തന്‍പീടിയേക്കല്‍ അഫ്സാനും സുഹൃത്ത് സനൂഫും ചേര്‍ന്നാണ് സെന്‍സര്‍ നിര്‍മ്മിച്ചത്. രാത്രി വാഹനമോടിക്കുമ്പോള്‍ എതിരെവരുന്ന വാഹനങ്ങളുടെ ലൈറ്റ് കണ്ണിലേക്ക് തുളച്ചുകയറുന്നത് വാഹനാപകടങ്ങളുടെ പ്രധാന കാരണങ്ങളിലൊന്നാണ്. ലൈറ്റ് ഡിമ്മാക്കാന്‍ മറന്നുപോകുന്നതാണ് ഇതിന്റെ കാരണം. ഈ പ്രയാസം പരിഹരിക്കാന്‍ പുതിയ സെന്‍സര്‍ സംവിധാനം കണ്ടെത്തിയതിന്റെ ആഹ്ലാദത്തിലാണ് ഇരുവരും.

Also Read: പോക്‌സോ കേസ് പ്രതിയുടെ വീട്ടില്‍ റെയ്ഡ്; പരുന്തിനെ കസ്റ്റഡിയിലെടുത്തു

കാര്‍ ബോണറ്റില്‍ പ്രത്യേക സെന്‍സര്‍ ഘടിപ്പിച്ചാണ് പ്രവര്‍ത്തനം. ബാറ്ററിയില്‍ നിന്നും പ്രത്യേക സര്‍ക്യൂട്ട് വഴി രണ്ട് ഹെഡ് ലൈറ്റിലേക്കും കണക്ഷന്‍ നല്‍കും. എതിര്‍ വാഹനത്തിന്റെ ലൈറ്റ് സെന്‍സറില്‍ തട്ടുന്നതോടെ ലൈറ്റ് ഡിമ്മാകും. എല്ലാ വാഹനങ്ങളിലും ഇത് ഘടിപ്പിക്കുന്നതോടെ അപകടം തടയാനാകുമെന്നാണ് ഇവരുടെ കണ്ടെത്തല്‍.
വളവന്നൂര്‍ ബാഫഖി തങ്ങള്‍ ഐടിഐയില്‍നിന്നും ഇലക്ട്രോണിക്സ് ആന്‍ഡ് മെക്കാനിക്സില്‍ ട്രേഡ് പാസായ അഫ്‌നാസിന്റെ വീടാണ് ഇരുവരുടെയും ഗവേഷണ മുറി. ഒന്നരമാസത്തെ കാത്തിരിപ്പിന് ഒടുവിലാണ് പുതിയ സംവിധാനം കണ്ടെത്തിയത്. സനൂഫ് ബുക്സ്റ്റാള്‍ ജീവനക്കാരനാണ്. ലോക്ക് ഡൗണിലെ ഒഴിവുസമയം ഉപയോഗപ്പെടുത്തിയാണ് ഇരുവരും യന്ത്രം നിര്‍മ്മിച്ചത്

Also Read: രാഹുല്‍ ഗാന്ധി വാക്ക് പാലിച്ചു; കാവ്യയ്ക്കും കാര്‍ത്തികയ്ക്കും പുതിയ വീടൊരുങ്ങി


മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ

മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ