ഇനി മഴയും വെയിലും കൊള്ളാതെ അന്തിയുറങ്ങാം; കല്യാണിയുടെ സ്വപ്നം പൂവണിയുന്നു

മലപ്പുറം: ആരും കൂട്ടിനില്ലാതെ ചോർന്നൊലിക്കുന്ന കൂരയിൽ താമസിച്ചുവന്ന കല്യാണിയുടെ വീട് എന്ന സ്വപ്നം പൂവണിയുന്നു. ആറ് കമുകുകൾക്കിടയിൽ ഓലയും ടാർപോളിൻ ഷീറ്റും മേഞ്ഞ കൂരയിലായിരുന്നു കല്യാണിയുടെ ജീവിതം. കരുവാരക്കുണ്ട് ഗ്രാമ പഞ്ചായത്തിലെ പതിനെട്ടാം വാർഡായ പുത്തനഴി മില്ലുംപടിയിലെ കമുകിൻ തോട്ടങ്ങൾക്കിടയിലാണ് ആരുടെയും കരളലയിപ്പിക്കുന്ന ഈ ദയനീയ കാഴ്ച.

Also Read: അരീക്കോട് പഞ്ചായത്ത് സ്റ്റേഡിയം സാമൂഹ്യ വിരുദ്ധരുടെ താവളം, അടിയന്തര ഇടപെടൽ ആവശ്യപ്പെട്ട് നാട്ടുകാർ

ഭർത്താവിൻ്റെ വേർപാടോടെയാണ് കല്യാണി എന്ന തങ്ക ജീവിതത്തിൽ ഒറ്റക്കായത്. ഈ ദയനീയ കാഴ്ച ശ്രദ്ധയിൽപെട്ട വനിതാ ലീഗ് നേതാവും എഡിഎസുമായ ചേലേങ്ങര സുലയ്യയാണ് കല്യാണിയുടെ സ്വപ്നം സാക്ഷാത്കരിക്കാൻ രംഗത്തെത്തിയത്. ഇതിനായി വാർഡിലെ ലീഗ് നേതാക്കളുടെ പിന്തുണ സുലയ്യ തേടി. നേതാക്കൾ പൂർണ പിന്തുണ നൽകിയതോടെ സുലയ്യ നടപടികളുമായി മുന്നോട്ടു നീങ്ങി. ഒടുവിൽ കല്യാണിയ്ക്കായുള്ള പുതിയ വീടിൻ്റെ ശിലാസ്ഥാപനവും സുലയ്യ തന്നെ നിർവഹിച്ചിരിക്കുകയാണ്. വേളിപ്പാടത്താണ് പുതിയ വീട് നിർമിക്കുന്നത്.

Also Read: താനൂര്‍ എംഎല്‍എയുടെ വിവാദ പരാമര്‍ശം; പ്രതിഷേധവുമായി ആദിവാസി യുവതി മലപ്പുറം കളക്ടറേറ്റില്‍


നേരത്തെ എപിഎൽ വിഭാഗത്തിലായിരുന്ന കല്യാണിയുടെ റേഷൻ കാർഡും സുലയ്യ ഇടപെട്ട് ബിപിഎൽ വിഭാഗത്തിലേക്കു മാറ്റി. തൊഴിലുറപ്പ് രംഗത്തേക്ക് കൈപിടിച്ച് കല്യാണിയെ കൊണ്ടുവരികയും ചെയ്തു. ഇനി ചുരുങ്ങിയ ദിവസങ്ങൾകൊണ്ട് വീട് നിർമാണം പൂർത്തിയാക്കാനാണ് സുലയ്യയുടെയും വനിതാ ലീഗിൻ്റെയും തീരുമാനം. ഇതോടെ ചൂടും തണുപ്പും ഏൽക്കാതെ കല്യാണിക്ക് സ്വന്തം വീട്ടിൽ അന്തിയുറങ്ങാം.




മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ


മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ