മലപ്പുറം(Malappuram): കിണറ്റിൽ വീണ നായയെ രക്ഷിക്കാൻ ശ്രമിക്കുന്നതിനിടയിൽ തലയിൽ കല്ല് വീണ് പരിക്കേറ്റ് ചികിത്സയിലായിരുന്ന രക്ഷാപ്രവർത്തകൻ മെഡിക്കൽ കോളേജിൽ മരണമടഞ്ഞു. താനൂർ പോലീസ് സ്റ്റേഷൻ വളണ്ടിയറും എമർജൻസി റസ്ക്യൂ ടീം അംഗവുമായ നിറമരുത്തൂർ വള്ളി കാഞ്ഞിരം സ്വദേശി കാവുണ്ടപറമ്പിൽ നൗഷാദ് (45) യാണ് മരണമടഞ്ഞത്.
വെള്ളിയാഴ്ച ഉച്ചക്കു രണ്ട് മണിയോടെയാണ് സംഭവം. ഉടൻ തന്നെ തിരൂർ ആശുപത്രിയിലും കോട്ടക്കൽ അൽ മാസിലും പിന്നീട് കോഴിക്കോട് മെഡിക്കൽ കോളേജിലും എത്തിച്ചു. ചികിത്സക്കിടെ മരണമടയുകയായിരുന്നു. താനൂർ പോലീസ് ഇൻക്വസ്റ്റ് തയ്യാറാക്കിയതിന് ശേഷം കോഴിക്കോട് മെഡിക്കൽ കോളേജിൽ പോസ്റ്റ്മോർട്ടം നടത്തി. ശനിയാഴ്ച വള്ളിക്കാഞ്ഞിരം മസ്ജീദിൽ കബറടക്കും, പിതാവ് : കാസിം, മാതാവ് : ആമിന , ഭാര്യ: ആയിഷ, മക്കൾ : അൻഷാദ്, അൻഷിത.
Topic: Malappuram News, Dog fell in well, death after stone fell on head