പെരിന്തല്മണ്ണ: ഓണ്ലൈന് ക്ലാസ് കഴിഞ്ഞ് പുഴയില് നീന്താന്പോയ പ്ലസ്വണ് വിദ്യാര്ഥി മുങ്ങിമരിച്ചു. ആലിപ്പറമ്പ് പാറക്കണ്ണി അരിയപ്പാടത്ത് മോഹന്ദാസിന്റെ മകന് അരുണ് ദാസ് (17) ആണ് മുങ്ങി മരിച്ചത്. ചെത്തല്ലൂര് മുറിയങ്കണ്ണി പുഴയിലെ അത്തിപ്പറ്റ കടവില് കുളിക്കുന്നതിന് ഇടെയാണ് അപകടം.
തുത ഹയര്സെക്കണ്ടറി സ്കൂളിലെ പ്ലസ് വണ് വിദ്യാര്ത്ഥിയാണ്. അപകടം ശ്രദ്ധയില് പെട്ട നാട്ടുകാര് വിദ്യാര്ത്ഥിയെ മുങ്ങിയെടുത്ത് പെരിന്തല്മണ്ണ സ്വകാര്യ ഹോസ്പിറ്റലില് എത്തിച്ചെങ്കിലും രക്ഷിക്കാനായില്ല.
Also Read: ഇനി മഴയും വെയിലും കൊള്ളാതെ അന്തിയുറങ്ങാം; കല്യാണിയുടെ സ്വപ്നം പൂവണിയുന്നു
ലോക്ക് ഡൗണും കൊവിഡും മൂലം സ്കൂള് തുറന്നു പ്രവര്ത്തിക്കാത്തതിനാല് കൊവിഡ് മാനദണ്ഡങ്ങള് പാലിച്ചും പാലിക്കാതെയും വിദ്യാര്ത്ഥികള് വ്യാപകമായി പുഴയില് കുളിക്കാനെത്തുന്നുണ്ടെന്ന് പരാതി ഉയര്ന്നിരുന്നു. ജയന്തിയാണ് അരുണ്ദാസിന്റെ മാതാവ്. സഹോദരന് കിരണ് ദാസ്.