ബേക്കറിയുടെ ഗ്രിൽ തകർത്ത് പണവും ചോക്ലേറ്റുകളും മോഷ്ടിച്ചു; യുവാവ് പിടിയിൽ

മലപ്പുറം: ബേക്കറിയില്‍ മോഷണം നടത്തിയ പ്രതി പിടിയിൽ. മലപ്പുറം താനൂര്‍ ജ്യോതി കോളനിയില്‍ കുറ്റിക്കാട്ടില്‍ അഹമ്മദ് അസ്ലം (24) ആണ് പിടിയിലായത്. പ്രതിയെ കോടതിയില്‍ ഹാജരാക്കി.

സ്വാതന്ത്ര്യദിനാഘോഷത്തിനിടെ 'പാമ്പായി' പോലീസ് ഉദ്യോഗസ്ഥർ; നൃത്തം വൈറൽ, നടപടിയെടുത്ത് സർക്കാർ
താനൂർ പകരയില്‍ അധികാരത്തു അഹമ്മദ് എന്നയാളുടെ ഉടമസ്ഥതയിലുള്ള ബേക്കറിലാണ് അഹമ്മദ് അസ്ലം കഴിഞ്ഞ ദിവസം മോഷണം നടത്തിയത്. കടയുടെ ഗ്രില്‍ തകര്‍ത്തു അകത്തു കയറിയ പ്രതി 35000 രൂപ വിലവരുന്ന ബേക്കറി സാധനങ്ങളും ചോക്ലേറ്റുകളും മോഷ്ടിക്കുകയായിരുന്നു. മോഷണം നടത്തിയ വസ്തുക്കൾ ഓട്ടോയില്‍ കയറ്റിയാണ് കൊണ്ട് പോയത്.

കടയുടമ നൽകിയ പരാതിയിൽ കേസെടുത്ത് അന്വേഷണം ആരംഭിച്ച പോലീസ് സിസിടിവി ദൃശ്യങ്ങൾ പരിശോധിച്ചാണ് പ്രതിയെ തിരിച്ചറിഞ്ഞത്. മുഖം മറച്ച് എത്തിയ പ്രതി രാത്രി 12നും പുലര്‍ച്ചെ 1.30നും ഇടയിലാണ് എത്തിയതെന്ന് വ്യക്തമായി.

പുരുഷൻ ആൺകുട്ടിയുമായി ബന്ധപ്പെട്ടാൽ എന്തിനാണ് പോക്സോ കേസ്? എം കെ മുനീർ
പ്രതി എത്തിയ ഓട്ടോയുടെ നമ്പര്‍ വ്യകതമല്ലെങ്കിലും അന്വേഷണ സംഘം ഇരുന്നൂറിലേറെ ഓട്ടോകള്‍ പരിശോധന നടത്തി പ്രതിയെ പിടികൂടുകയായിരുന്നു. 24 മണിക്കൂറിനുള്ളിലാണ് പ്രതിയെ പോലീസ് പിടികൂടിയത്.