മലപ്പുറം: പൂക്കോട്ടുംപാടത്ത് സ്കൂട്ടര് നിയന്ത്രണം വിട്ട് മറിഞ്ഞ് യുവതി മരിച്ചു. കരുളായി മുല്ലപള്ളിയില് താമസിക്കുന്ന കള്ളിയന് റഷീദിന്റെ ഭാര്യ സജ്ന(35)ആണ് മരിച്ചത്. ആനമുണ്ട ഉപ്പുവള്ളി റോഡില് വെച്ചാണ് ഇവര് സഞ്ചരിച്ച സ്കൂട്ടര് നിയന്ത്രണം വിട്ടത്. തുടർന്ന് സമീപത്തെ താഴ്ച്ചയിലുള്ള റബ്ബര് തോട്ടത്തിലേക്ക് മറിയുകയായിരുന്നു. ഇവിടെയുള്ള വേലി കല്ലിന് മുകളിലേക്കാണ് സ്കൂട്ടര് പതിച്ചത്.
ശബ്ദം കേട്ട് പ്രദേശവാസികൾ ഓടിയെത്തി രക്ഷാപ്രവർത്തനം ആരംഭിക്കുകയായിരുന്നു. ഉടൻ തന്നെ പൂക്കോട്ടുംപാടത്തെ സ്വകാര്യ ആശുപത്രിയിലും പിന്നീട് നിലമ്പൂര് ജില്ലാ ആശുപത്രിയിലും എത്തിച്ചെങ്കിലും ജീവൻ രക്ഷിക്കാനായില്ല. ഏമങ്ങാടുള്ള യുവതിയുടെ വീട്ടില് നിന്നും ഭര്ത്താവിന്റെ വീടായ മുല്ലപ്പള്ളിയിലേക്കുളള യാത്ര മധ്യേയാണ് അപകടം സംഭവവിച്ചത്. സജ്നയുടെ കൂടെ സ്കൂട്ടറിൽ കുട്ടികളുണ്ടായിരുന്നെങ്കിലും ഇവര് നിസാര പരിക്കുകളോടെ രക്ഷപ്പെട്ടു.
Read Latest Local News and Malayalam News
അപ്രതീക്ഷിതമായുണ്ടായ യുവതിയുടെ വിയോഗം ഒരു നാടിനെ മുഴുവനാണ് ദുഃഖത്തിലാഴ്ത്തിയത്. അപകടസമയം തലയ്ക്കേറ്റ ഗുരുതര പരിക്കാണ് യുവതിയുടെ മരണകാരണമെന്നാണ് പ്രാഥമിക നിഗമനം. മൃതദേഹം നിലമ്പൂര് ജില്ലാ ആശുപത്രിയിൽ നിന്ന് പോസ്റ്റ്മോർട്ടം ഉൾപ്പെടെയുള്ള തുടർ നടപടികൾ പൂർത്തിയാക്കി ബന്ധുക്കൾക്ക് വിട്ട് നൽകും. മക്കള്: സിനാന്, ഷന്ഹ, റിസ ഫാത്തിമ.