ബസിൻ്റെ പഞ്ചറായ ടയര്‍ മാറ്റുന്നതിനിടെ ലോറിയിടിച്ച് അപകടം; മഞ്ചേരി സ്വദേശിയടക്കം 2 പേര്‍ മരിച്ചു, സംഭവം സേലത്ത്
ബസിൻ്റെ പഞ്ചറായ ടയര്‍ മാറ്റുന്നതിനിടെ ലോറിയിടിച്ച് മഞ്ചേരി സ്വദേശിയടക്കം 2 പേര്‍ മരിച്ചു. മഞ്ചേരി സ്വദേശി മുഹമ്മദ് സല്‍മാന്‍ ആണ് മരിച്ചത്. 26 വയസായിരുന്നു. ഇന്ന് പുലർച്ചെയാണ് അപകടം.
Lipi22 Sept 2020, 9:49 pm
മലപ്പുറം: ടൂറിസ്റ്റ് ബസിൻ്റെ പഞ്ചറായ ടയര്‍ മാറ്റിയിടുന്നതിനിടെ സിമൻ്റ് ലോഡുമായി വന്ന ലോറി ഇടിച്ച് മലപ്പുറം മഞ്ചേരി സ്വദേശിയടക്കം രണ്ട് പേര്‍ മരിച്ചു. തമിഴ്നാട് സേലത്തു വെച്ചാണ് അപകടം. മഞ്ചേരി മുള്ളമ്പാറ പുത്തന്‍പീടിയേക്കല്‍ ഷൗക്കത്തലിയുടെ മകന്‍ മുഹമ്മദ് സല്‍മാന്‍ (26) ആണ് മരിച്ചത്. അപകടത്തില്‍ ഒരു തമിഴ്നാട് സ്വദേശിയും മരിച്ചു.
ഇന്ന് പുലര്‍ച്ചെ 6.15 ന് സേലത്തിനടുത്താണ് സംഭവം. തമിഴ്നാട്ടില്‍ നിന്നും തൊഴിലാളികളെ കൊണ്ടുവരുന്നതിനായി ടൂറിസ്റ്റ് ബസുമായി പോയതായിരുന്നു മുഹമ്മദ് സല്‍മാന്‍. തിരിച്ചു വരുമ്പോള്‍ പഞ്ചറായ ടയര്‍ മാറ്റിയിടുന്നതിനിടെ സിമൻ്റ് ലോഡുമായി വന്ന ലോറി നിയന്ത്രണം വിട്ട് ബസിനു പിറകിലിടിക്കുകയായിരുന്നു. മുഹമ്മദ് സല്‍മാന്‍ തല്‍ക്ഷണം മരിച്ചു. പോസ്റ്റുമോര്‍ട്ടത്തിനും ശേഷം മൃതദേഹം ബന്ധുക്കള്‍ക്ക് വിട്ടു നല്‍കി. നാളെ പുലർച്ചെ ഒരുമണിയോടെ മുള്ളമ്പാറ ജുമാമസ്ജിദില്‍ ഖബറടക്കും. മാതാവ്: മൈമൂന, സഹോദരന്‍: ഫാസില്‍.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
