അമ്മ ഒളിച്ചോടിയത് 9 വയസുള്ള മകളെ പീഡിപ്പിച്ച യുവാവിനൊപ്പം; യുവതിയും കാമുകനും അറസ്റ്റിൽ

മലപ്പുറം: മകളെ ബലാത്സംഗം ചെയ്ത യൂവാവിനൊപ്പം ഒളിച്ചോടിയ അമ്മ പിടിയിൽ. കഴിഞ്ഞ വർഷമാണ് ഒമ്പതും മൂന്നും വയസുമുള്ള രണ്ടു പെൺകുട്ടികളുടെ അമ്മയായ 28കാരി സുഭാഷ് എന്ന യുവാവിനൊപ്പം ഒളിച്ചോടിയത്. മലപ്പുറം ഇരിമ്പിളിയത്താണ് സംഭവം നടന്നത്.

Also Read: യാസര്‍ എടപ്പാളിനെ തള്ളി മുസ്ലീം ലീഗ്, പിന്തുണക്കില്ലെന്ന് നേതൃത്വം; മന്ത്രി കെ ടി ജലീലിൻ്റെ ഓഫീസ് ഉപരോധിച്ച് കുടുംബം

യുവതിയുടെ കാമുകനെയും പോലീസ് അറസ്റ്റ് ചെയ്തു. ഇരിമ്പിളിയം കൊടുമുടി സ്വദേശിയായ സുഭാഷിനൊപ്പമാണ് കുട്ടികളുടെ അമ്മ ഒളിച്ചോടിയത്. മൂത്ത മകളെ ഇയാൾ ലൈംഗികമായി പീഡിപ്പിച്ചെന്ന് അമ്മക്ക് നേരത്തെ തന്നെ അറിയാമായിരുന്നു. ഈ വിവരം അച്ഛനോട് പറയുന്നതിൽ നിന്ന് അമ്മ കുട്ടിയെ വിലക്കുകയും ചെയ്തിരുന്നു. എന്നാൽ പീഡനവിവരം കുട്ടി അച്ഛനെ അറിയിച്ചതോടെ അമ്മ കാമുകനൊപ്പം ഒളിച്ചോടി.

Also Read: കൊവിഡ് കാലത്ത് മാതൃകയായി വിദ്യാര്‍ത്ഥികള്‍, കൃഷി ചെയ്തത് രണ്ടേക്കര്‍ ഭൂമിയില്‍, കൃഷി ഇറക്കുന്നത് നാലാം വര്‍ഷം

അമ്മക്കും സുഭാഷിനുമെതിരെ പോക്സോ വകുപ്പ് അനുസരിച്ചാണ് പോലീസ് കേസെടുത്തിരിക്കുന്നത്. കുട്ടിയെ പീഡിപ്പിച്ചതിനും അമ്മക്കെതിരെ പീഡനത്തിന് കൂട്ടുനിന്നതിനുമാണ് കേസ്. കോടതിയിൽ ഹാജരാക്കിയ ശേഷം പ്രതികളെ റിമാൻഡ് ചെയ്തു.

Also Read: പൊന്നാനി തോണി അപകടത്തിലെ രക്ഷാറാണി...റൂബീനക്ക് മുഖ്യമന്ത്രിയുടെ പോലീസ് മെഡൽ

മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ


മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ