മലപ്പുറത്ത് 9 വയസ്സുകാരിയെ പീഡിപ്പിച്ചു; ഒഡീഷ സ്വദേശി റിമാന്‍റില്‍

മലപ്പുറം: മലപ്പുറം അരീക്കോട് വെച്ച് മ്പതുവയസ്സുകാരിയെ വീട്ടില്‍ ആളില്ലാത്ത സമയത്തുവന്ന്
ലൈംഗികമായി പീഡിപ്പിച്ച ഒഡീഷ സ്വദേശി റിമാന്‍റില്‍. ഇന്ന് അരീക്കോട് പോലീസ് അറസ്റ്റ് ചെയ്ത പ്രതിയെ മഞ്ചേരി പോക്സോ സ്പെഷ്യല്‍ കോടതിയാണ് പതിനാലു ദിവസത്തേക്ക് റിമാന്‍റ് ചെയ്തത്.
ഒഡീഷ കണ്ഡമാല്‍ ജില്ലയില്‍ കാട്ടിന്‍ക്യ താലമിഞ്ച പങ്ക ബലന്റിന്‍ ബോളിയിരാറിന്റെ മകന്‍ പ്രദീപ് ബോളീയിരാര്‍ (35)നെയാണ് ജഡ്ജി ടി പി സുരേഷ് ബാബു റിമാന്‍റ് ചെയ്തത്.

Also Read: ശബരിമല തീർത്ഥാടനത്തിനൊരുങ്ങി പത്തനംതിട്ട; ജില്ലയിൽ നടപ്പിലാക്കുന്നത് 59 കോടി രൂപയുടെ വികസന പ്രവർത്തനങ്ങൾ

ഇക്കഴിഞ്ഞ ആഗസ്റ്റ് മാസത്തിലെ രണ്ടു ദിവസങ്ങളിലാണ് കേസിന്നാസ്പദമായ സംഭവം. ഒഡിഷ സ്വദേശികളായ മാതാപിതാക്കള്‍ക്കും സഹോദരനുമൊപ്പം ആദാടിയിലെ വാടകവീട്ടില്‍ താമസിച്ചു വരികയായിരുന്നു ബാലിക. വീട്ടില്‍ മറ്റാരും ഇല്ലാത്ത നേരത്ത് എത്തിയ പ്രതി ബാലികയെ ബലാല്‍സംഗം ചെയ്യുകയായിരുന്നു. സെപ്തംബര്‍ 24ന് മലപ്പുറം ചൈല്‍ഡ് പ്രൊട്ടക്ഷന്‍ യൂണിറ്റില്‍ നല്‍കിയ പരാതിയുടെ അടിസ്ഥാനത്തില്‍ പ്രതി താമസിക്കുന്ന ആദാടി പാക്കുളത്തുളത്തുള്ള വീട്ടില്‍ വെച്ചാണ് പോലീസ് പ്രതിയെ അറസ്റ്റ് ചെയ്തത്.

മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ

മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ