ബിവറേജില്‍ നിന്നും മദ്യം വാങ്ങും; വില്‍പ്പന അഞ്ചിരട്ടി വിലയ്ക്ക്, പ്രതി പിടിയില്‍

മലപ്പുറം(Malappuram): ബിവറേജുകളില്‍ നിന്നും മദ്യം വാങ്ങി അഞ്ചിരട്ടി വിലയ്ക്ക് കച്ചവടം നടത്തുന്ന 32കാരന്‍ മദ്യവും മറ്റു ഉപകരണങ്ങളുമായി പിടിയില്‍. മലപ്പുറം പരപ്പനങ്ങാടിയിലെ ജവാന്‍ വിനു എന്ന പേരില്‍ അറിയപ്പെടുന്ന പുഴക്കല്‍ വിനു(32) വിനെ പരപ്പനങ്ങാടി പോലീസ് അറസ്റ്റ് ചെയ്തു. ബിവറേജുകളില്‍ നിന്നും വാങ്ങുന്ന മദ്യം 5 ഇരട്ടി വിലയ്ക്കാണ് ഇയാള്‍ കച്ചവടം നടത്തിയിരുന്നത്. അരിയല്ലൂര്‍ ജംഗ്ഷനില്‍ കച്ചവടം നടത്തുന്നതിനിടെയാണ് പോലീസ് പ്രതിയെ അറസ്റ്റ് ചെയ്തത്. പ്രതിയുടെ പക്കല്‍ നിന്നും മദ്യക്കുപ്പികളും മദ്യം അളന്ന് കൊടുക്കുന്നതിനുള്ള 'പെഗ് മെഷററും മദ്യക്കച്ചവടത്തിന് ഉപയോഗിച്ചിരുന്ന വാഹനവും പോലീസ് പിടിച്ചെടുത്തു. ചോദ്യം ചെയ്യലില്‍ ദിവസവും 25 ഓളം കുപ്പി മദ്യം ബിവറേജില്‍ നിന്നും വാങ്ങി മദ്യക്കുപ്പികളായും പെഗ്ഗുകളായി അളന്ന് കൊടുത്തും കച്ചവടം നടത്താറുള്ളതായി പ്രതി സമ്മതിച്ചു.

മലപ്പുറത്ത് രേഖകളില്ലാത്ത 1.80 കോടി രൂപയുമായി ദമ്പതികൾ പിടിയിൽ, വീഡിയോ കാണാം

പ്രതിയെ അറസ്‌റ് ചെയ്യുന്ന സമയത്ത് മദ്യം വാങ്ങാനായി എത്തുകയും പോലീസിനെ കണ്ട് ഓടിപ്പോയ ആളുകള കുറിച്ചും അന്വേഷണം നടത്തുന്നുണ്ടെന്നും പോലീസ് അറിയിച്ചു. പരപ്പനങ്ങാടി എസ് ഐ പ്രദീപ് കുമാര്‍, പോലീസുകാരായ രഞ്ചിത്ത്, സഹദേവന്‍, ഫൈസല്‍, അനില്‍ എന്നിവരുടെ നേതൃത്വത്തില്‍ ആയിരുന്നു അറസ്റ്റ് . പ്രതിയെ കോടതിയില്‍ ഹാജരാക്കി 14 ദിവസത്തേക്ക് മഞ്ചേരി ജയിലില്‍ റിമാന്റ് ചെയ്തു.

Topic: Malappuram, Jawan Binu, Illegal liquor selling