മലപ്പുറം: കരിപ്പൂര് ദുരന്തസ്ഥലത്ത് രക്ഷാപ്രവര്ത്തനം നടത്തിയവര്ക്ക് സല്യൂട്ട് നല്കുന്ന ഒരു പോലീസുകാരന്റെ ചിത്രം സമൂഹമാധ്യമങ്ങളില് വൈറലായിരുന്നു. രക്ഷാപ്രവര്ത്തകര്ക്ക് സേനയുടെ ആദരം എന്ന രീതിയില് പ്രചരിച്ച ചിത്രം പക്ഷേ തങ്ങളുടെ അറിവോടെയല്ലെന്ന് വ്യക്തമാക്കിയിരിക്കുകയാണ് പോലീസ്.
ചിത്രം വ്യാജമാകാനാണ് സാധ്യതയെന്നായിരുന്നു ആദ്യം പോലീസ് ഉന്നതരുടെ പ്രതികരണം. എന്നാല് പിന്നീട് സല്യൂട്ടടിച്ച പോലീസുകാരനെ കണ്ടെത്തുകയായിരുന്നു. രക്ഷാപ്രവര്ത്തകര് നിരീക്ഷണത്തില് കഴിയുന്ന വീടുകളിലെത്തി സിവില് പോലീസ് ഓഫീസര് അവര്ക്ക് സല്യൂട്ട് നല്കുകയും ആദരിക്കുകയും ചെയ്യുകയായിരുന്നു.
Also Read: ഈ കുടുംബചിത്രത്തില് ഇനി സാഹിറയും കുഞ്ഞുമില്ല... നൊമ്പരം
സിനിമാ താരങ്ങള് ഉള്പ്പെടെ ചിത്രം ഷെയര് ചെയ്യുകയും കേരളാ പോലീസിന് അഭിനന്ദനം അറിയിക്കുകയും ചെയ്തിരുന്നു. ഇതിന് പിന്നാലെയാണ് സംഭവത്തെക്കുറിച്ച് യാതൊരു അറിവുമില്ലെന്ന് പോലീസ് വകുപ്പ് വ്യക്തമാക്കിയിരിക്കുന്നത്.
മലപ്പുറം കണ്ട്രോള് റൂമില് ഡ്യൂട്ടിയിലുള്ള ഉദ്യോഗസ്ഥനാണ് ചിത്രത്തിലുള്ളതെന്ന് വ്യക്തമായിട്ടുണ്ട്. സംഭവത്തെക്കുറിച്ച് അന്വേഷണം നടത്തി റിപ്പോര്ട്ട് നല്കാന് കൊണ്ടോട്ടി സിഐയ്ക്ക് മലപ്പുറം എസ്പി യു അബ്ദുള് കരീം നിര്ദ്ദേശം നല്കിയിട്ടുണ്ട്. ഉദ്യോഗസ്ഥനെതിരെ നടപടിക്കും സാധ്യതയുണ്ട്.