കരിപ്പൂരിൽ നിന്ന് തട്ടിക്കൊണ്ടുപോയ യാത്രക്കാരനെ കണ്ടെത്തി; യുവാവിന് മർദ്ദനം, ഗുണ്ടാസംഘത്തെ കുറിച്ച് പോലീസിന് വിവരം

കരിപ്പൂർ: അബുദാബിയിൽ നിന്ന് കരിപ്പൂർ രാജ്യാന്തര വിമാനത്താവളത്തിൽ എത്തി വീട്ടിലേക്ക് മടങ്ങുന്നതിനിടയിൽ ഗുണ്ടാസംഘം തട്ടിക്കൊണ്ടുപോയ യുവാവിനെ കണ്ടെത്തി. കുറ്റിയാടി സ്വദേശി റിയാസിനെയാണ് ഗുണ്ടാസംഘം തട്ടിക്കൊണ്ടുപോയത്. ഇന്നലെ വൈകുന്നേരം ആറുമണിയോടെയാണ് സംഭവം.

Also Read: മലപ്പുറം ജില്ലയില്‍ 297 പേര്‍ക്ക് കൂടി കൊവിഡ്; 258 പേര്‍ക്കും സമ്പര്‍ക്കത്തിലൂടെ രോഗം

ഒരു സംഘം റിയാസ് സഞ്ചരിച്ചിരുന്ന കാറിനെ പിന്തുടർന്ന് തട്ടിക്കൊണ്ടുപോകുകയായരുന്നു. തുടർന്ന് ഇയാൾ സഞ്ചരിച്ച ടാക്സി കാറിലെ ഡ്രൈവറായ മുക്കം സ്വദേശി പോലീസിൽ വിവരം അറിയിച്ചു. സംഭവത്തിൽ പോലീസ് അന്വേഷണം ആരംഭിച്ച് ഇന്ന് ഉച്ചയോടെ റിയാസിനെ കണ്ടെത്തുകയായിരുന്നു. തട്ടിക്കൊണ്ടു പോയ ഗുണ്ടാസംഘം റിയാസിനെ അതിക്രൂരമായി മർദ്ദിച്ചു. പരിക്ക് സാരമുള്ളതിനാൽ റിയാസിനെ ആശുപത്രിയിൽ പ്രവേശിപ്പിച്ചിരിക്കുകയാണ്.

Also Read: കരിപ്പൂർ വിമാനാപകടം: നിർത്തിവെച്ച സർവീസുകൾ അടിയന്തരമായി പുനരാരംഭിക്കണം, ആവശ്യവുമായി എംപിമാർ

അതേസമയം റിയാസിനെ തട്ടിക്കൊണ്ടുപോയ ഗുണ്ടാസംഘത്തെക്കുറിച്ച് വ്യക്തമായ സൂചന ലഭിച്ചുവെന്ന് കൊണ്ടോട്ടി പോലീസ് അറിയിച്ചു. റിയാസിനു സ്വർണക്കടത്തുമായി യാതൊരു ബന്ധവും ഇല്ലെന്നാണ് പോലീസ് നൽകുന്ന സൂചന. എന്നാൽ തട്ടിക്കൊണ്ടുപോയ ഗുണ്ടാസംഘത്തിന് സ്വർണക്കടത്തുമായി ബന്ധമുണ്ടെന്ന് പോലീസിന് വിവരം ലഭിച്ചു. തനിക്ക് സ്വർണക്കടത്ത് കേസുമായി യാതൊരു ബന്ധവുമില്ലെന്ന് വീട്ടിൽ നിന്ന് പോലീസ് കൊണ്ടു പോകുന്ന വഴി റിയാസ് മാധ്യമങ്ങളോട് പറഞ്ഞു. അതേസമയം സംഭവത്തിൽ കൊണ്ടോട്ടി സർക്കിൾ ഇൻസ്പെക്ടർ കെ എം ബിജുവിന്റെ നേതൃത്വത്തിലുള്ള പ്രത്യേക സംഘം അന്വേഷണം ഊർജിതമാക്കി.

Also Read: മലപ്പുറം സിവിൽ സ്റ്റേഷനിലെ ജീവനക്കാർക്ക് ഇനി മുതൽ ബസ്സിനു വേണ്ടി ഓടേണ്ട... കെഎസ്ആര്‍ടിസി ബസ് ഓണ്‍ ഡിമാന്‍ഡ് സര്‍വീസ് ആരംഭിച്ചു


മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ