നെടുമ്പാശേരിയിൽ വിമാനമിറങ്ങി, പിന്നാലെ കാണാതായി; നാലാം ദിവസം അബ്ദുൽ ജലീലിൻ്റെ മരണം! പിന്നിൽ സ്വർണക്കടത്ത് സംഘമോ? മുഖ്യപ്രതിയെ തിരിച്ചറിഞ്ഞു

മലപ്പുറം (Malappuram): പ്രവാസിയുടെ ദുരൂഹമരണത്തിൽ മുഖ്യപ്രതിയെ പോലീസ് തിരിച്ചറിഞ്ഞു. പാലക്കാട് അഗളി സ്വദേശി അബ്ദുൽ ജലീൽ (42) മരണപ്പെട്ട സംഭവത്തിൽ പ്രധാനപ്രതി മലപ്പുറം സ്വദേശിയായ യഹിയ ആണെന്നും ഇയാൾ ഒളിവിലാണെന്നും പോലീസ് അറിയിച്ചു. സൗദിയിൽ നിന്നും പുറപ്പെട്ട് നെടുമ്പാശേരി വിമാനത്താവളത്തിൽ ഇറങ്ങിയ അബ്ദുൽ ജലീലിനെ കാണാതാകുകയും ഗുരുതര പരിക്കുകളോടെ പെരിന്തൽമണ്ണയിലെ ആശുപത്രിയിൽ പ്രവേശിപ്പിക്കുകയുമായിരുന്നു. സംഭവവുമായി ബന്ധപ്പെട്ട് മൂന്നുപേർ കസ്റ്റഡിയിലായിട്ടുണ്ട്. ശരീരത്തിൽ വെട്ടേറ്റ പാടുകൾ, ആശുപത്രിയിൽ എത്തിച്ചത് അജ്ഞാതൻ! നെടുമ്പാശേരിയിൽ വിമാനമിറങ്ങി കാണാതായ പ്രവാസി മരിച്ചു

സൗദിയിലെ ജിദ്ദയിൽ ഹൗസ് ഡ്രൈവറായിരുന്നു അബ്ദുൽ ജലീൽ. ഈ മാസം 15 ന് രാവിലെ 9.45 നാണ് നെടുമ്പാശേരിയൽ വിമാനമിറങ്ങിയത്. പെരിന്തൽമണ്ണയിലേക്ക് സുഹൃത്തിനൊപ്പം എത്താമെന്നു കുടുംബത്തെ അബ്ദുൽ ജലീൽ അറിയിച്ചിരുന്നു. ഇതനുസരിച്ച് ജലീലിനെ കൂട്ടിക്കൊണ്ടുപോകാനായി ഭാര്യയും ഉമ്മയും അടക്കമുള്ളവർ പെരിന്തൽമണ്ണയിൽ കാത്തുനിന്നു. എന്നാൽ എത്താൻ താമസിക്കുമെന്നും മടങ്ങിപ്പോകാൻ അബ്ദുൽ ജലീൽ അറിയിച്ചതായും കുടുംബാംഗങ്ങൾ പറയുന്നു.
ആത്മീയ ചികിത്സകൻ കോയക്കുട്ടി തങ്ങൾ ഹാഷിഷ് ഓയിലുമായി പിടിയിൽ, വീഡിയോ

പിറ്റേദിവസം രാവിലെയായിട്ടും അബ്ദുൽ ജലീൽ എത്താതിരുന്നതോടെയാണ് കുടുംബാംഗങ്ങൾക്ക് ദുരൂഹത തോന്നി പോലീസിനെ വിവരം അറിയിച്ചത്. ഇതിനു പിന്നാലെ ജലീൽ വീട്ടിലേക്ക് വിളിച്ച് പരാതി പിൻവലിപ്പിച്ചു. കാണാതായി നാലാം ദിവസം ജലീലിനെ വെട്ടേറ്റ തരത്തിലുള്ള പരിക്കുകളോടെ മലപ്പുറം പെരിന്തൽമണ്ണയിലെ ആശുപത്രിയിൽ പ്രവേശിപ്പിക്കുകയായിരുന്നു. ഉടൻ തന്നെ വെൻ്റിലേറ്ററിലേക്ക് മാറ്റി. ചികിത്സയിലിരിക്കെ രാത്രി 12.15 ഓടെയാണ് മരണം സംഭവിച്ചത്. അബ്ദുൽ ജലീൽ ആശുപത്രിയിലാണെന്ന വിവരം അജ്ഞാതനാണ് കുടുംബത്തെ വിളിച്ചറിയിച്ചത്. സംഭവത്തിനു പിന്നിൽ സ്വർണക്കടത്തു സംഘമാണെന്നാണ് സൂചന.

മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ

മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ


Topic: Malappuram News, Agali Expat Death, Palakkad Expat Died in Malappuram