ടയർ പൊട്ടി, നിയന്ത്രണം വിട്ട ബസ് ഡിവൈഡറിൽ ഇടിച്ചു കയറി; ഒഴിവായത് വൻ അപകടം, വീഡിയോ കാണാം

മലപ്പുറം (Malappuram): നിയന്ത്രണം വിട്ട സ്വകാര്യബസ് ഡിവൈഡറിൽ ഇടിച്ച് അപകടം. കോഴിക്കോട്-തൃശൂർ ദേശീയപാതയിൽ തിരൂർ ചങ്കുവെട്ടിക്ക് സമീപമാണ് അപകടം നടന്നത്. വെള്ളിയാഴ്ച രാവിലെ ഏഴു മണിയോടെയായിരുന്നു സംഭവം. ബസിലെ യാത്രക്കാർ പരിക്കുകളില്ലാതെ രക്ഷപ്പെട്ടു. ലിം​ഗത്തിലും കണ്ണിലും കുരുമുളക് സ്പ്രേ, യുവാവിന് പോലീസിന്റെ ക്രൂര മർദ്ദനം, മലപ്പുറം സംഭവത്തില്‍ മനുഷ്യാവകാശ കമ്മീഷന്റെ നോട്ടീസ്

തൃശൂരിൽ നിന്നും കോഴിക്കോട്ടേയ്ക്ക് പോകുകയായിരുന്ന വടക്കേതിൽ ബസാണ് അപകടത്തിൽപ്പെട്ടത്. മുൻവശത്തെ ടയർ പൊട്ടിയതാണ് അപകടകാരണമെന്നാണ് സൂചന. നിയന്ത്രണം നഷ്ടപ്പെട്ട ബസ് സമീപത്തെ ഡിവൈഡർ കമ്പിയിൽ ഇടിച്ചു കയറുകയായിരുന്നു. ബസ് നിറയെ യാത്രക്കാർ ഉണ്ടായിരുന്നുവെങ്കിലും ആർക്കും പരിക്കില്ല. അപകടത്തെ തുടർന്ന് ഗതാഗതം ഭാഗികമായി തടസപ്പെട്ടു. യാത്രക്കാരെ മറ്റു ബസുകളിൽ കയറ്റി വിട്ട ശേഷം ബസ് റോഡിൽ നിന്ന് മാറ്റി ഗതാഗതം പൂർണമായും പുനസ്ഥാപിച്ചു.

ഒരു ദിവസം 2 മോഷണം, പെട്രോള്‍ അടിച്ച് പണം നല്‍കാതെ മുങ്ങി; യുവാക്കളെ വലയിലാക്കി പോലീസ്, വീഡിയോ കാണാം

അതിനിടെ, ഇതേ പാതയിൽ കുറ്റിപ്പുറത്ത് കാറുകള്‍ തമ്മില്‍ കൂട്ടിയിടിച്ച് നാല് യുവാക്കള്‍ക്ക് പരിക്കേറ്റു. വെള്ളിയാഴ്ച രാവിലെ 10 മണിയോടെ റെയില്‍വേ മേല്‍പ്പാലത്തില്‍ വെച്ചായിരുന്നു അപകടം. വെങ്ങാട് സ്വദേശികളായ സിദ്ധാര്‍ഥ്, ജിതേഷ്, മുഹമ്മദ് ഫര്‍ഹാന്‍, ഉമ്മര്‍ എന്നിവര്‍ക്കാണ് പരിക്കേറ്റത്. ഇവരെ വളാഞ്ചേരി നടക്കാവില്‍ ആശുപത്രിയില്‍ പ്രവേശിപ്പിച്ചു. അപകടത്തെ തുടര്‍ന്ന് റെയില്‍വേ പാലത്തിന് മുകളില്‍ മണിക്കൂറുകളോളം ഗതാഗതം തടസപ്പെട്ടു. ഇടിയുടെ ആഘാതത്തിൽ രണ്ട് വാഹനങ്ങളുടെയും മുൻഭാഗം പൂർണമായി തകർന്നു.

മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ

മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ


Topic: Malappuram News, Malappuram Accident News, Tirur Accident