നിലമ്പൂര്: തന്നെ വധിക്കാന് ആര്എസ്എസ് ഗുണ്ടകളെ ഇറക്കിയതായി നിലമ്പൂര് എംഎല്എ പിവി അന്വറിന്റെ പരാതി. ആര്യാടന് ഷൗക്കത്ത് ഉള്പ്പെടെയുള്ളവര്ക്കെതിരെയാണ് എംഎല്എ മുഖ്യമന്ത്രിക്ക് പരാതി നല്കിയിരിക്കുന്നത്. അമരമ്പലം പാട്ടകരിമ്പിലെ റീഗല് എസ്റ്റേറ്റുമായി ബന്ധപ്പെട്ട് എംഎല്എയും മുരുകേഷ് നരേന്ദ്രനും തമ്മിലുള്ള പ്രശ്നങ്ങളാണ് പുതിയ തലത്തിലേക്ക് മാറിയിരിക്കുന്നത്.
നിരവധി കുറ്റകൃത്യങ്ങളില് പ്രതികളായവരെ കണ്ണൂരില് നിന്നും നിലമ്പൂരില് എത്തിച്ച് തന്നെ വധിക്കാന് ഗൂഡാലോചന നടത്തുകയാണെന്ന് പരാതിയില് ആരോപിക്കുന്നു. എസ്റ്റേറ്റ് ഉടമയില് നിന്നും നേരത്തേയും വധഭീഷണി ഉണ്ടായിരുന്നു. ആര്എസ്എസുകാരനായ മുരുകേശ് നരേന്ദ്രന് നിലമ്പൂരില് സൗകര്യങ്ങളൊരുക്കുന്നത് ആര്യാടന് ഷൗക്കത്താണെന്നും പരാതിയില് ആരോപിക്കുന്നു.
Also Read: വാളാട് വിവാഹ, മരണാനന്തര ചടങ്ങുകളില് പങ്കെടുത്ത 550 പേര്ക്കെതിരെ കേസെടുത്തു
സംഭവത്തില് 14 പ്രതികളെ പൂക്കോട്ടുപാടം പോലീസ് പിടികൂടി കരുതല് തടങ്കലില് വെച്ചിരുന്നു. ഇവരെ പിന്നീട് വിട്ടയച്ചു. പിടിയിലായവരെ ജാമ്യത്തിലിറക്കാന് കോണ്ഗ്രസ് പ്രവര്ത്തകരാണ് വന്നതെന്നും ഇവരെ നിയോഗിച്ചത് ആര്യാടന് ഷൗക്കത്താണെന്നും പരാതിയില് പറയുന്നു. കേസ് ക്രൈം ബ്രാഞ്ച് അന്വേഷണം നടത്തണമെന്ന് പിവി അന്വര് എംഎല്എ ആവശ്യപ്പെട്ടു. സംഭവത്തിന് പിന്നിലെ ഗൂഡാലോചന പ്രത്യേക സംഘം അന്വേഷിക്കണമെന്ന് സിപിഎം ജില്ലാ കമ്മിറ്റി ആവശ്യപ്പെട്ടു.