മലപ്പുറം(Malappuram): വീട്ടുപറമ്പില് കെട്ടിയിട്ടിരുന്ന പോത്ത് അടുത്ത വീട്ടിലെ കിണറ്റില് വീണു. അവസാനം രക്ഷപ്പെടുത്തിയത് റോപ്പ് ഉപയോഗിച്ച്. പൊന്നാനി ചെറുവായ്ക്കരയില് വീട്ടുപറമ്പില് കെട്ടിയിട്ടിരുന്ന പോത്താണ് സമീപത്തെ കിണറ്റില് വീണത്. തുടര്ന്ന് അഗ്നി രക്ഷാ സേനാംഗങ്ങള് എത്തിയാണ് കിണറ്റില് വീണ പോത്തിനെ കരക്കെത്തിച്ചത്. ബുധനാഴ്ച വൈകീട്ടോടെയാണ് പൊന്നാനി ചെറു വായ്ക്കര സ്വദേശി കളയാടത്ത് മുനീറിന്റെ ഉടമസ്ഥതയിലുള്ള പോത്ത് കിണറ്റില് വീണത്.
കോട്ടക്കുന്നിൽ വിസ്മയ കാഴ്ചയൊരുക്കി മിറാക്കിൾ ഗാർഡൻ
കോട്ടക്കുന്നിലെത്തുന്ന സഞ്ചാരികൾക്ക് വിസ്മയ കാഴ്ചയൊരുക്കി മിറാക്കിൾ ഗാർഡൻ. സമഗ്ര മാസ്റ്റർ പ്ലാനിലുൾപ്പെടുത്തി നിർമിച്ച കോട്ടക്കുന്ന് മിറാക്കിൾ ഗാർഡൻ ആരെയും ആകർഷിക്കുന്ന രീതിയിലാണ് സജ്ജമാക്കിയിട്ടുള്ളത്. കോട്ടയുടെ രീതിയിലാണ് പൂന്തോട്ടത്തിന്റെ കവാടം തയ്യാറാക്കിയത്. ടിക്കറ്റെടുത്ത് അകത്ത് പ്രവേശിക്കുന്നതോടെ കാഴ്ചകളുടെ അത്ഭുത ലോകമാണ് സഞ്ചാരികളെ കാത്തിരിക്കുന്നത്. ചെടികൾ കൊണ്ട് അലങ്കരിച്ച നടപ്പാതകൾ മനോഹരമാണ്. ഏത് കാലത്തും ഇവിടെ പൂവിടും എന്നതാണ് ചെടികളുടെ പ്രത്യേകത. ജമന്തി, പോയിൻസെറ്റി, മോണിങ് ഗ്ലോറി തുടങ്ങി മനോഹരമായ നിരവധി ചെടികൾ പൂന്തോട്ടത്തിലുണ്ട്. പൂമ്പാറ്റകളെയും ചെറുകിളികളെയും ആകർഷിക്കുന്ന ചെടികളാണ് കൂടുതലുമുള്ളതെന്ന് പൂന്തോട്ടത്തിന്റെ ഭംഗി വർധിപ്പിക്കുന്നു.
ഒറിജിനലിനെ വെല്ലുന്ന ഒട്ടകവും മരുഭൂമിയും പൂന്തോട്ടത്തിന്റെ പ്രത്യേകതയാണ്. വളർന്ന് നിൽക്കുന്ന ഈന്തപ്പന മരങ്ങൾക്കരികെ നിന്നും മരുഭൂമിയിലെ കൂടാരത്തിനകത്തിരുന്നും നമുക്ക് ഫോട്ടോയെടുക്കാം. മരുഭൂമിയുടെ മാതൃക കൂടാതെ ഫോട്ടോയെടുക്കാനായി പ്രത്യേകം സ്ഥലങ്ങളും ഒരുക്കിയിട്ടുണ്ട്. പഴയ കുടിലിന്റെ മാതൃകയും ത്രീഡി ചിത്രവും നമുക്കിവിടെ കാണാം. 1970 കളെ അനുസ്മരിപ്പിക്കുന്ന രീതിയിലുള്ള ഗ്രാമവും ഒരുക്കുന്നുണ്ട്. രണ്ടാഴ്ചയ്ക്കകം ഇവയുടെ നിർമാണം പൂർത്തിയാവും
Topic: Malappuram News, Buffalo in well, Malappuram fireforce