മലപ്പുറം: സെക്കൻഡുകൾകൊണ്ട് ഏതു തരത്തിലുള്ള പസിലുകളും പൂർത്തിയാക്കി നാട്ടുകാരെയും വീട്ടുകാരെയും വിസ്മയിപ്പിക്കുകയാണ് ഐമൻ എന്ന രണ്ടര വയസ്സുകാരി.
മലപ്പുറം മഞ്ചേരി മുള്ളമ്പാറ സ്വദേശികളായ മുഹമ്മദ് ഷാഫി-താഹിറ ദമ്പതികളുടെ ഏകമകളാണ് ഈ കൊച്ചു മിടുക്കി.
ഏതൊരു പസിലും ഈ കൊച്ചു മിടുക്കിയുടെ കയ്യിൽ കൊടുത്താൽ നിമിഷനേരം കൊണ്ട് പൂർത്തിയാക്കി നമ്മുടെ കയ്യിൽ തരും. ചെറിയ പസിലുകൾ ആണെകിൽ വെറും സെക്കൻഡുകൾ മതി. ഒന്നര വയസുമുതലാണ് ഐമന് പസിലുകളോട് കൂട്ടുകൂടുന്നത്. അന്ന് മുതല് തന്നെ മറ്റ് കളിക്കോപ്പുകളേക്കാള് പ്രിയം പസിലുകളോടാണ്.
5 മിനിറ്റ് കൊണ്ട് 15 പസിലുകള് പൂര്ത്തിയാക്കിയാണ് ഐമന് ഇന്ത്യാ ബുക്ക് ഓഫ് റെക്കോര്ഡ്സില് ഇടം പിടിച്ചത്. ചെറിയ പ്രായത്തില് തന്നെ കുട്ടികളുടെ താല്പര്യങ്ങള് മനസിലാക്കി അവര്ക്കൊപ്പം നിന്നാല് വലിയ ഉയരങ്ങള് താണ്ടാന് കുട്ടികള്ക്ക് സാധിക്കുമെന്ന് ഐമന്റെ മാതാപിതാക്കള് പറയുന്നു.