ജലനിധിക്ക് റോഡ് കീറിയതോടെ വൻ കുഴികളും അപകടങ്ങളും; റോഡിൽ വാഴ നട്ട് പ്രതിഷേധം

മലപ്പുറം(Malappuram): ജലനിധിക്ക് റോഡിൽ പൈപ്പ് ലൈൻ കീറിയതോടെ റോഡിൽ വൻ കുഴികളും നിരന്തര അപകടങ്ങളും പതിവ്. യുവാക്കൾ റോഡിൽ വാഴ നട്ട് പ്രതിഷേധിച്ചു. തിരുരങ്ങാടി മുന്നീയൂർ ,കുണ്ടൻ കടവ് റോഡിൽ പാറേക്കാവ് അങ്ങാടിയിൽ ഒരു വര്ഷം മുൻപാണ് ജലനിധി പദ്ധതിക്കായി പൈപ്പ് ലൈൻ നടത്താൻ റോഡ് കീറിയത്. എന്നാൽ തുടർന്നുണ്ടായ മഴയും വാഹനങ്ങളുടെ അമിത വേഗതയും കാരണം റോഡുകളിൽ വലിയ കുഴികൾ രൂപപെടുകയായിരുന്നു. ഇതോടെ ഇവിടെ ദിനം പ്രതി അപകടങ്ങൾ വർധിച്ചുവരികയാണ്.സംഭവത്തിൽ പ്രതിഷേധിച്ച് പ്രദേശത്തെ യുവാക്കളുടെ നേതൃത്വത്തിൽ റോഡിൽ വാഴ നട്ട് പ്രതിഷേധിച്ചു. റോഡിൽ വലിയ കുഴികൾ കാരണം ദിവസവും ഒരുപാട് അപകടങ്ങൾ നടന്നുകൊണ്ടിരിക്കുന്നത്. ഈ റോഡ് പരപ്പനങ്ങാടി ദേശീയ പാത, എയർപോർട്ട് ഭാഗത്തേക്ക് പോവുന്ന റോഡ് ആയതിനാൽ നൂറുകണക്കിന്ന് വാഹങ്ങൾ കടന്നു പോവുന്നുണ്ട്. യുവാക്കളുടെ നേതൃത്വത്തിൽ പഞ്ചായത്തിൽ പരാതി നൽകിയപ്പോൾ പൊതുമരാമത്ത് വകുപ്പിന് പരാതി നൽകിയതായയി പഞ്ചായത്ത് അധികൃതർ നാട്ടുകാരെ അറിയിച്ചു.

റസാൻ്റെ വീട് സന്ദർശിച്ച് ബാലാവകാശ കമ്മീഷൻ, 12 കാരൻ മരിച്ചത് തെരുവുനായയുടെ കടിയേറ്റ്

ഒരു വർഷമായിട്ടും അധികാരികൾ ഇതിനൊരു പരിഹാരം കാണാത്തതിനെ തുടർന്ന് നടപടി എടുക്കുന്നത് വരെ പ്രതിഷേധം തുടർന്നുകൊണ്ടിരിക്കുമെന്നും ഇവർ പറയുന്നു. സമീർ ചോനാരി,ഷാഫി പറമ്പിൽ, നൗഷാദ്, അനീസ് ,സൈദലവി ,മുസമ്മിൽ, ഷെരീഫ്, വൈശാഖ്, സഫവാൻ, റിയാസ് ,എന്നിവർ നേതൃത്വം നൽകി.

Topic: Malappuram News, potholes in roads, malappuram protest