തെരുവ് നായയുടെ കടിയേറ്റ അഞ്ചാം ക്ലാസുകാരൻ മരിച്ചു

മലപ്പുറം(Malappuram): തെരുവ് നായ കടിച്ചു പരിക്ക് പറ്റി ചികിത്സയിലായിരുന്ന അഞ്ചാംക്ലാസുകാരന്‍ മരിച്ചു. മലപ്പുറം ചേലേമ്പ്ര കോണത്തും പുറായി താമസിക്കുന്ന കൊടമ്പാടന്‍ റിയാസിന്റെ മകന്‍ മുഹമ്മദ് റസാന്‍ (റിഫു 12 ) ആണ് മരിച്ചത്. മൂന്ന് മാസം മുമ്പ് നായ കടിച്ചതിനെ തുടര്‍ന്ന് കുത്തിവെയ്പ് എടുത്തു. അടുത്ത കുത്തിവെപ്പ് എടുത്തപ്പോള്‍ ഛർദ്ദി ഉണ്ടാകുകയും കോഴിക്കോട് മെഡിക്കല്‍ കോളജ് ഹോസ്പിറ്റലില്‍ പ്രവേശിപ്പിക്കുകയുമായിരുന്നു. ചികിത്സയിലിരിക്കെ ഇന്നലെ മരണപെട്ടു. റാനിയയാണ് അമ്മ. സഹോദരി: ഫില്‍സാ ഫാത്തിമ. ചേലുപ്പാടം എ.എം.എം.എ.എം യു.പി സ്‌കൂളില്‍ അഞ്ചാം ക്ലാസ് വിദ്യാര്‍ത്ഥി ആയിരുന്നു മുഹമ്മദ് റസാൻ.

അധ്യാപകനെതിരായ ലൈംഗികാരോപണം; സ്‌കൂള്‍ സന്ദര്‍ശിച്ച് വനിതാ കമ്മീഷന്‍ അധ്യക്ഷ
അതെ സമയം, തെരുവ് നായയുടെ കടിയേറ്റ് പെരിന്തല്‍മണ്ണയില്‍ 31 വയസ്സുകാരന്‍ മരിച്ചത് മാസങ്ങള്‍ക്ക് മുമ്പാണ്. 20 ദിവസങ്ങൾക്ക് മുമ്പ് പെരിന്തല്‍മണ്ണ ജൂബിലി റോഡില്‍ വെച്ച് തെരുവ് നായയുടെ കടിയേറ്റ അസാം സ്വദേശി ഹിനായത്തുള്ള(31) മരണപ്പെട്ടിരുന്നു. തൂതയില്‍ ആണ് ഇയാള്‍ താമസിച്ചിരുന്നത്.ഒരു മാസം മുമ്പാണ് ആസാമില്‍ നിന്നും ഇയാള്‍ കേരളത്തില്‍ എത്തിയത്.

ഹിനായത്തുള്ളക്ക് പേ വിഷബാധയുളളള നായയുടെ കടിയേറ്റതിനെ തുടര്‍ന്ന് പെരിന്തല്‍മണ്ണ ജില്ല ആശുപത്രിയിലും കോഴിക്കോട് മെഡിക്കല്‍ കോളേജ് ആശുപത്രിയിലും പ്രവേശിപ്പിച്ചിരുന്നു. മെഡിക്കല്‍ കോളേജില്‍ ചികിത്സയിലിരിക്കെയാണ് ഹിനായത്തുള്ള മരിച്ചത്.

Topic: Malappuram News, Boy Death, Stray Dog Issue