മലപ്പുറം (Malappuram): അപകടത്തിൽ പരിക്കേറ്റ വഴിയോര കച്ചവടക്കാരന് സഹായവുമായി മലപ്പുറം എടവണ്ണ കുന്നുമ്മൽ കൂട്ടായ്മ. എടവണ്ണ അങ്ങാടിയിലെ കുന്നുമ്മലിൽ ജിലേബി കച്ചവടം നടത്തിയിരുന്ന കിഴാറ്റൂർ സ്വദേശി നജുമുദീൻ ബുധനാഴ്ച വൈകുന്നേരമാണ് കച്ചവടത്തിന് ഇടയിൽ അപകടത്തിൽ പെട്ടത്. കച്ചവടത്തിനിടിയിൽ ഇദ്ദേഹത്തെ ബൈക്ക് ഇടിക്കുകയായിരുന്നു.
അപകടത്തിൽ പരിക്കേറ്റ ഇദ്ദേഹത്തെ മഞ്ചേരി മെഡിക്കൽ കോളജ് ആശുപത്രിയിലേക്ക് മാറ്റുകയായിരുന്നു. ഇതോടെ കച്ചവടത്തിന് തയ്യാറാക്കിവെച്ച ജിലേബിയും ഇത് നിർമ്മിക്കാനുള്ള മറ്റു അസംസ്കൃതവസ്തുക്കളും ആരുമില്ലാതെ ഉപേക്ഷിക്കപ്പെട്ട നിലയിലായി.ഇത് ശ്രദ്ധയിൽപ്പെട്ടതയോടെയാണ് എടവണ്ണ കുന്നുമ്മൽ കൂട്ടായ്മയുടെ നേതൃത്വത്തിൽ കച്ചവടം ഏറ്റു നടത്താൻ ഒരു കൂട്ടം യുവാവാക്കൾ രംഗത്തെത്തിയത്.
Also Read: 9 കുഞ്ഞുങ്ങള് മരിച്ചു! 10-ാം പ്രസവത്തിലെ കൺമണികൾ ഇന്ന് അവർക്കൊപ്പമുണ്ട്; ഇത് അട്ടപ്പാടിയിലെ സീതയുടെയും രങ്കിയുടെയും കഥ
നജ്മുദ്ദീൻ നേരത്തെ ഉണ്ടാക്കിവെച്ച ജിലേബി വഴിയാത്രക്കാർക്ക് വിൽപ്പന നടത്തിയും. ബാക്കി വന്ന മൈദ കൊണ്ട് ജിലേബി ഉണ്ടാക്കിയുമാണ് കുന്നുമ്മൽ കൂട്ടായ്മയുടെ പ്രവർത്തകർ വേറിട്ട മാതൃകാ പ്രവർത്തനം നടത്തിയത്. രാത്രി 10 മണി വരെയാണ് ജിലേബി വില്പന നീണ്ടുനിന്നത് . കെ വിനോദ്, രിബിനിഷ് ലാൽ പി റഫീഖ്, ജംഷി പറമ്പൻ പിസി റിയാസ് എന്നിവരുടെ നേതൃത്വത്തിലാണ് കച്ചവടം നടത്തിയത്. ഏകദേശം 5000 രൂപയുടെ വിൽപ്പനയാണ് നടത്തിയതെന്ന് എടവണ്ണ കുന്നുമ്മൽ കൂട്ടായ്മ അംഗങ്ങൾ പറഞ്ഞു.
മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ
മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ
TOPIC: kunnummal koottayma, malapppuram news