നിലമ്പൂർ- ഷൊർണ്ണൂർ പാതയിൽ ഇനി പുലർച്ചെ ട്രെയിൻ സർവീസ് ആരംഭിക്കും

മലപ്പുറം: നിലമ്പൂർ- ഷൊർണ്ണൂർ പാതയിൽ പുലർച്ചെ ട്രെയിൻ സർവീസ് ആരംഭിക്കുന്നു. ഒക്ടോബർ ഒന്ന് മുതൽ 06470 നമ്പറിലുള്ള ട്രെയിൻ പുലർച്ചെ 5:30 ന് നിലമ്പൂരിൽ നിന്ന് ഷൊർണൂരിലേക്ക് ആദ്യ സർവീസ് നടത്തും. ഇത് നിലമ്പൂരിലെ ദീർഘദൂര യാത്രക്കാരെ സംബന്ധിച്ചിടത്തോളം വലിയ ആശ്വാസമാണ് നൽകുന്നത്. നിലവിൽ രാവിലെ ഏഴിന് നിലമ്പൂരിൽ നിന്ന് ഷൊർണൂരിലെക്കുള്ള അൺ റിസേർവ്ഡ് സ്പെഷ്യൽ എക്സ്പ്രസിന്റെ സമയം പുലർച്ചെ 5:30ലേക്ക് പുനഃക്രമീകരിച്ചാണ് സർവീസ് നടത്തുക. ഒരു മണിക്കൂർ 40 മിനിറ്റ് കൊണ്ടാണ് ട്രെയിൻ ഷൊർണൂരിൽ എത്തുന്നത്. 7:10 ഓടെ ഷൊർണൂരിൽ എത്തുന്ന യാത്രക്കാർക്ക് നിരവധി ദീർഘദൂര സർവീസുക്കൾക്കാണ് കണക്ഷൻ ലഭിക്കുക എന്നതാണ് ഈ സർവീസ് കൊണ്ടുണ്ടാകുന്ന പ്രയോജനങ്ങളിൽ ഒന്ന്.

സൈക്കിളിന്റെ ലോഹത്തിന്റെ രൂപത്തിൽ സ്വർണം; എട്ട് മണിക്കൂർ നീണ്ട പരിശോധന, കരിപ്പൂരിൽ യുവാവ് പിടിയിൽ


കോയമ്പത്തൂർ, തൃശ്ശൂർ, എറണാകുളം, കോഴിക്കോട്, തിരുവനന്തപുരത്ത് ഉച്ചയോടെ എത്തുന്ന ജനശതാബ്ദി ഉൾപ്പെടെയുള്ള ട്രെയിനുനുകൾക്കാണ് പ്രധാനമായും കണക്ഷൻ ലഭിക്കുക. ഇത് ഈ ഭാഗങ്ങളിലേക്ക് നിലമ്പൂരിൽ നിന്നും പരിസര പ്രദേശങ്ങളിൽ നിന്നും പോകാനുള്ള ഉദ്യോഗസ്ഥർ, രോഗികൾ എന്നിവരുൾപ്പെടെയുള്ള യാത്രക്കാർക്ക് വലിയ ആശ്വാസമാണ് നൽകുന്നത്. നിലമ്പൂർ ഭാഗത്ത് നിന്ന് പുലർച്ചെ ദീർഘദൂര സർവീസ് ഇല്ലാത്തത് പ്രദേശവാസികൾക്ക് ഏറെ ബുദ്ധിമുട്ട് സൃഷ്ടിച്ചിരുന്നു. ഇതിനൊരു പരിഹാരം എന്ന രീതിയിലാണ് ഈ ട്രെയിൻ സർവീസ് ആരംഭിക്കുന്നത്.

ഇതിന് പുറമെ നിലമ്പൂരിൽ നിന്ന് ഷൊർണൂരിലേക്ക് രാവിലെ 11 10 ന് പുറപ്പെടുന്ന അൺ റിസർവ്ഡ് എക്സ്പ്രസിന്റെ സമയവും ക്രമീകരിച്ചിട്ടുണ്ട്. രാവിലെ 7 ലേക്കാണ് സമയം മാറ്റിയിരിക്കുന്നത്.ഈ സർവീസും ഷൊർണുരിൽ നിന്ന് നിരവധി കണക്ഷൻ ട്രെയിനുകൾ ലഭിക്കുന്ന രീതിയിലാണ് സമയം പുനഃക്രമീകരിച്ചത്. എംപിമാർ ഉൾപ്പെടെയുള്ള ജനപ്രതിനിധികൾ, റെയിൽവേ പാസഞ്ചേഴ്സ് അമിനിറ്റി കമ്മിറ്റി, നിലമ്പൂർ മൈസൂർ റെയിൽവെ ആക്ഷൻ കൗൺസിൽ എന്നിങ്ങനെയുള്ളവരുടെ ഇടപെടലാണ് പുതിയ സർവീസ് യാഥാർത്ഥ്യമാക്കിയത്.

Read Latest Local News and Malayalam News


മലപ്പുറം ജില്ലയിലെ മുഴുവൻ വാ‍ര്‍ത്തകളും ഒറ്റ ക്ലിക്കിൽ ഇവിടെ വായിക്കാം