പോക്സോ കേസ് ഇര ആരെന്ന് വെളിപ്പെടുത്തി; യുവാവ് അറസ്റ്റിൽ

മലപ്പുറം (Malappuram) : പോക്സോ കേസിൽ ഉൾപ്പെട്ട പ്രായപൂർത്തിയാകാത്ത പെൺകുട്ടിയുടെ വ്യക്തിത്വം വെളിപ്പെടുത്തുന്ന തരത്തിൽ വീഡിയോ പ്രചരിപ്പിച്ച യുവാവിനെ വഴിക്കടവ് പോലീസ് അറസ്റ്റ് ചെയ്തു. വഴിക്കടവ് വട്ടപ്പാടം ഏലംകുളയൻ സൽമാൻ (34) ആണ് പോലീസ് പിടിയിലായത്. കേസിൽ വഴിക്കടവ് ഇൻസ്പെക്ടർ പി.അബ്ദുൾ ബഷീറിന്റെ നേതൃത്വത്തിൽ പ്രത്യേക അന്വഷണ സംഘം രൂപീകരിച്ച് സാമൂഹ്യമാധ്യമങ്ങൾ വഴി പ്രചരിച്ച വീഡിയോയുടെ ഉൽഭവം കണ്ടെത്തുന്നതിനായി നിരന്തരമായി നടത്തിയ നിരീക്ഷിണത്തിനിടയിലാണ് പ്രതി പോലീസ് വലയിലായത്. ആശുപത്രികള്‍ കേന്ദ്രീകരിച്ച് മോഷണം; സിനിമ നടന്‍ മലപ്പുറത്തു പിടിയില്‍


പോക്സോ നിയമപ്രകാരം അതിജീവിത ആരെന്ന തരത്തിലുള്ള സൂചനകൾ നൽകുന്നത് കുറ്റകരമാണെന്നിരിക്കെയാണ് യുവാവ് ഇത്തരത്തിൽ സോഷ്യൽ മീഡിയ വഴി വീഡിയോ പ്രചരിപ്പിച്ചത്. പ്രതി റെക്കോർഡ് ചെയ്ത് ഷെയർ ചെയ്ത വീഡിയോ നിരവധിയാളുകൾ ഡൗൺലോഡ് ചെയ്ത് ഷെയർ ചെയ്തതായും പോലീസ് കണ്ടെത്തിട്ടുണ്ട്.ഇവരെയും പോലീസ് നിരീക്ഷിച്ചു വരികയാണ്. സബ്ബ് ഇൻസ്പെക്ടർ ഒ.കെ.വേണു,സുധീർ ഇ.എൻ,റിയാസ് ചീനി, ശ്രീകാന്ത് എസ്,അഭിലാഷ്.കെ, സരിത സത്യൻ എന്നിവരടങ്ങുന്ന പോലീസ് സംഘമാണ് പ്രതിയെ വലയിലാക്കിയത്. നിലമ്പൂർ കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

Topic: Malappuram Pocso Case, Pocso Case Victim Issue, Malappuram Crime