Samastha Leaders Will Meet Cm Pinarayi Vijayan On Reservation For Economically Weaker Sections In General Category
മുന്നാക്ക സംവരണം: നിയമനടപടിക്ക് സമസ്ത ഒരുങ്ങുന്നു, മുഖ്യമന്ത്രിയെ കാണും
മുന്നാക്ക സംവരണ വിഷയത്തില്‍ സമസ്ത കേരളാ ജംഇയ്യത്തുല്‍ ഉലമാ നിയമനടപടിക്ക് ഒരുങ്ങുന്നു. ഇതുസംബന്ധിച്ച് മുഖ്യമന്ത്രി പിണറായി വിജയനെ കാണാനും നേതാക്കൾ തീരുമാനിച്ചു.
Lipi27 Oct 2020, 9:25 pm
മലപ്പുറം: സംസ്ഥാന സര്‍ക്കാര്‍ നടപ്പിലാക്കിയ മുന്നാക്ക സംവരണ വിഷയത്തില്‍ സമസ്ത കേരളാ ജംഇയ്യത്തുല്‍ ഉലമാ നേതാക്കള്‍ മുഖ്യമന്ത്രിയെ കാണും. പ്രക്ഷോപങ്ങളുടെ ഭാഗമായി സംസ്ഥാനത്തെ ഇരുമുന്നണിയിലെയും രാഷ്ട്രീയ പാര്‍ട്ടി നേതാക്കളെയും നേരില്‍ കാണും. പിന്നോക്ക സമുദായങ്ങളുമായി ചേര്‍ന്നു യോജിച്ച പ്രക്ഷോഭങ്ങള്‍ നടത്താനാണ് സമസ്തയുടെ തീരുമാനം.
Samayam Malayalamസമസ്ത പ്രഖ്യാപിച്ച പ്രക്ഷോപങ്ങളുടെ ഭാഗമായി സമിതി അംഗങ്ങളുടെ നേതൃത്വത്തില്‍ ഇന്ന് മലപ്പുറം സുന്നീ മഹലില്‍ നടന്ന സിറ്റിംഗ് സംവരണ സമുദായ മുന്നണി സംസ്ഥാന ചെയര്‍മാന്‍ കെ കുട്ടി അഹ്മദ് കുട്ടി ഉദ്ഘാടനം ചെയ്യുന്നു.
മുന്നാക്ക സംവരണത്തിനെതിരെ നിയമനടപടികള്‍ക്ക് രൂപം നല്‍കും. ഇതിനു മുന്നോടിയായി നിയമവിദഗ്ധരുമായി കൂടിയാലോചന നടത്തുന്നതുള്‍പ്പടെ തുടര്‍ പരിപാടികള്‍ക്ക് ഇന്ന് മലപ്പുറം സുന്നീ മഹലില്‍ ചേര്‍ന്ന സമിതി ചര്‍ച്ചാ സംഗമം പദ്ധതി ആവിഷ്‌കരിച്ചു. പ്രക്ഷോപ സമിതി ചര്‍ച്ചാ സംഗമത്തില്‍ ചെയര്‍മാന്‍ ഡോ. എന്‍ എ എം അബ്ദുല്‍ ഖാദിര്‍ അധ്യക്ഷനായി. സംവരണ സമുദായ മുന്നണി സംസ്ഥാന ചെയര്‍മാന്‍ കെ കുട്ടി അഹ്മദ് കുട്ടി ഉദ്ഘാടനം ചെയ്തു. അബ്ദുസമദ് പൂക്കോട്ടൂര്‍, പുത്തനഴി മൊയ്തീന്‍ ഫൈസി, നാസര്‍ ഫൈസി കൂടത്തായി, അഡ്വ. ത്വയ്യിബ് ഹുദവി ചര്‍ച്ചയില്‍ പങ്കെടുത്തു. കണ്‍വീനര്‍ മുസ്തഫാ മുണ്ടുപാറ സ്വാഗതം പറഞ്ഞു.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
