കരിപ്പൂരിൽ അപകടത്തിന് തൊട്ടുമുമ്പ് എത്തിയ എയർ ഇന്ത്യ വിമാനത്തിൽ നിന്ന് 25 ലക്ഷം രൂപയുടെ സ്വർണം പിടികൂടി

മലപ്പുറം: കരിപ്പൂരിൽ വീണ്ടും 25 ലക്ഷം രൂപയുടെ സ്വർണ്ണം പിടികൂടി. ഇന്നലെ വൈകീട്ട് ഷാർജയിൽ നിന്നും കോഴിക്കോട് എയർപോർട്ടിലെത്തിയ എയർ ഇന്ത്യ എക്സ്പ്രസ് വിമാനം IX 1354 ലെ യാത്രക്കാരനിൽ നിന്നും 638 ഗ്രാം സ്വർണ്ണ മിശ്രിതം എയർ കസ്റ്റംസ് ഇന്റലിജൻസ് ഉദ്യാഗസ്ഥർ പിടികൂടി. കോഴിക്കോട് ഉണ്ണികുളം സ്വദേശി റയീസ് കാപ്സ്യൂൾ രൂപത്തിൽ ശരീരത്തിനുള്ളിൽ ഒളിപ്പിച്ച രീതിയിലാണ് സ്വർണ്ണ മിശ്രിതം കൊണ്ടുവന്നത്.

Also Read: കല്ലമ്പലത്ത് എട്ടുവയസുകാരിയെ പീഡിപ്പിച്ച കേസില്‍ യുവാവ് അറസ്റ്റില്‍

ഇന്ത്യൻ മാർക്കറ്റിൽ ഇതിന്‌ ഏകദേശം 25 ലക്ഷം രൂപ വിലമതിക്കുമെന്നു കരുതുന്നു. ഇന്നലെ വൈകീട്ട് എയർപോർട്ടിലുണ്ടായ വിമാന ദുരന്തത്തിനു തൊട്ടുമുമ്പിൽ വന്ന വിമാനത്തിലെ യാത്രക്കാരനിൽ നിന്നാണ് എയർ കസ്റ്റംസ് സ്വർണ്ണം പിടികൂടിയത്. ഡപ്യൂട്ടി കമ്മീഷണർ ഡോ എൻഎസ് രാജി, സൂപ്രണ്ടുമാരായ സി ഗോകുൽദാസ്, എം പ്രകാശ്, ഗണപതി പോറ്റി, ഇൻസ്പക്ടർമാരായ നരസിംഹ വെല്ലൂരി, പ്രമോദ്‌, പ്രണയ്, സുമൻ ഗോദ്ര എന്നിവരടങ്ങിയ സംഘമാണ് സ്വർണ്ണം പിടികൂടിയത്