മലപ്പുറം ജില്ലയിലെ പൊന്നാനിയിൽ രണ്ടു കൊവിഡ് മരണം. പൊന്നാനി സ്വദേശികളായ പി വി അബ്ദുല്ലക്കുട്ടി, തോട്ടുവളപ്പില്‍ ഷണ്മുഖന്‍ എന്നിവരാണ് മരിച്ചത്. പൊന്നാനി നഗരസഭ മുന്‍ കൗണ്‍സിലറാണ് മരിച്ച പി വി അബ്ദുല്ലക്കുട്ടി.
Lipi21 Sept 2020, 10:57 pm
മലപ്പുറം: പൊന്നാനിയില്‍ കൊവിഡ് ബാധിച്ച് രണ്ട് പേര്‍ മരിച്ചു. പൊന്നാനി നഗരസഭ മുന്‍ കൗണ്‍സിലറും, വ്യാപാരിയുമായ പി വി അബ്ദുല്ലക്കുട്ടി, (74) പുതുപൊന്നാനി കടവനാട് സ്വദേശി തോട്ടുവളപ്പില്‍ ഷണ്മുഖന്‍ (71 ) എന്നിവരാണ് മരിച്ചത്.
Samayam Malayalamകൊവിഡ് ബാധിച്ചു മരിച്ച പൊന്നാനി സ്വദേശികൾ
നഗരസഭ മുന്‍ കൗണ്‍സിലറും, വ്യാപാരിയും ചന്തപ്പടി സ്വദേശിയുമായ പി വി അബ്ദുല്ലക്കുട്ടി കൊവിഡ് ലക്ഷണങ്ങളെ തുടര്‍ന്ന് വീട്ടില്‍ നിരീക്ഷണത്തില്‍ കഴിയുകയായിരുന്നു. അസുഖം കൂടിയതോടെ പൊന്നാനി താലൂക്ക് ആശുപത്രിയിൽ എത്തിച്ചെങ്കിലും മരണം സംഭവിച്ചു. നഫീസയാണ് ഭാര്യ. മക്കള്‍: അബൂള്‍ ബഷീര്‍, അബ്ദുള്‍ ഗഫൂര്‍ ,അബ്ദുള്‍ നാസ്സര്‍, ജമീല. മരുമക്കള്‍: ജസീല, പി സി സബീന, ഹഫ്‌സീന, ഇബ്രാഹിംകുട്ടി. സഹോദരങ്ങള്‍: അബ്ദുള്‍ ഖാദര്‍, ഉമ്മര്‍, ഉസ്മാന്‍, അസീസ് അലി, സലാം, സാലിഹ്, അയ്യൂബ്, ഖയ്യൂം, സുഹ്‌റ, ലത്തീഫ്, ജലീല്‍.
Also Read: മലപ്പുറം ജില്ലയില്‍ 349 പേര്‍ക്ക് കൂടി കൊവിഡ്; രോഗം ബാധിച്ചവരില്‍ 6 ആരോഗ്യ പ്രവര്‍ത്തകരും പുതുപൊന്നാനി കടവനാട് സ്വദേശി തോട്ടുവളപ്പില്‍ ഷണ്മുഖന്‍ മഞ്ചേരി മെഡിക്കല്‍ കോളേജ് ആശുപത്രിയില്‍ കൊവിഡ് ചികിത്സയിലായിരുന്നു. നേരത്തെ അമിത പ്രമേഹമുള്‍പ്പടെ ഉണ്ടായിരുന്നയാളാണ്. ആലത്തിയൂര്‍ ഇമ്പിച്ചിബാവ സ്മാരക സഹകരണ ആശുപത്രിയില്‍ നടന്ന പരിശോധനയിലാണ് കൊവിഡ് സ്ഥിരീകരിച്ചത്. തുടര്‍ന്ന് മഞ്ചേരിയിലേക്ക് മാറ്റുകയായിരുന്നു. ചന്ദ്രമതിയാണ് ഷണ്‍മുഖന്റെ ഭാര്യ. മക്കള്‍: ബീന, വിജീഷ് (ഡ്രൈവര്‍), മിനി. മരുമക്കള്‍: ശ്രുതി, സുരേഷ്, ശ്രീജേഷ്.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
