മലപ്പുറം കരുവാരക്കുണ്ടിൽ വീണ്ടും മലവെള്ളപ്പാച്ചിൽ; തീരദേശവാസികൾക്ക് ജാഗ്രതാ നിർദേശം

മലപ്പുറം: മലപ്പുറം ജില്ലയുടെ മലയോര മേഖലയായ കരുവാരക്കുണ്ടിൽ ശക്തമായ മഴയും മലവെള്ളപ്പാച്ചിലും. കൽക്കുണ്ട്, കേരളാംകുണ്ട് ഭാഗങ്ങളിലാണ് ഉച്ചയ്ക്കുശേഷം മലവെള്ളപ്പാച്ചിൽ ഉണ്ടായത്. അരുവികളിലൂടെ വെള്ളം ശക്തമായി എത്തിയതോടെ ഒലിപ്പുഴ, ചേരിത്തോട് ഉൾപ്പെടെ കരകവിഞ്ഞ് ഒഴുകുകയാണ്. നിലവിൽ ആശങ്കപ്പെടേണ്ട സാഹചര്യമില്ലെന്നാണ് അധികൃതർ അറിയിക്കുന്നത്. വ്യാജ ഇൻസ്റ്റഗ്രാം അക്കൗണ്ട് ഉപയോഗിച്ച് യുവതിയുടെ നഗ്ന ചിത്രങ്ങളും വീഡിയോയും കൈക്കലാക്കി പീഡനം; യുവാവ് അറസ്റ്റിൽ

ഒരാഴ്ചക്കിടെ രണ്ടാം തവണയാണ് പ്രദേശത്ത് മഴവെള്ളപ്പാച്ചിൽ ഉണ്ടാകുന്നത്. പുഴയും തോടും കരകവിഞ്ഞതോടെ ഏതാനും വീടുകളിലും കൃഷിയിടങ്ങളിലും വെള്ളം കയറി. ഇനിയും മഴ കനത്താൽ കൂടുതൽ വീടുകളിലേക്ക് വെള്ളം കയറാൻ സാധ്യതയുണ്ട്. കഴിഞ്ഞ ദിവസം ഉണ്ടായ മലവെള്ളപ്പാച്ചിലിൽ നിരവധി വീടുകളിൽ വെള്ളം കയറിയിരുന്നു. ഈ സാഹചര്യത്തിൽ പുഴകളുടെയും തോടുകളുടെയും തീരത്ത് താമസിക്കുന്നവർ ജാഗ്രത പാലിക്കണമെന്ന് പഞ്ചായത്ത്, റവന്യൂ അധികൃതർ നിർദേശം നൽകി. അടിയന്തര സാഹചര്യങ്ങൾ ഉണ്ടായാൽ ആളുകളെ മാറ്റിപ്പാർപ്പിക്കുന്നുതിന് ഫയർ ഫോഴ്സ് ഉദ്യോഗസ്ഥർ പ്രദേശത്ത് ക്യാമ്പ് ചെയ്യുന്നുണ്ട്. അതേസമയം കരുവാരക്കുണ്ട് ടൗൺ ഭാഗത്ത് മഴ കുറവാണ്. ഉൾവനത്തിലാണ് മഴ പെയ്യുന്നത്.

കൂട്ടുകാരനെ കാണാൻ രാവിലെ പുറപ്പെട്ടു; യാത്രതീരും മുമ്പെ അപ്രതീക്ഷിത ദുരന്തം, നോവായി അമീനും ഹിസാനും
ഒരു മണിക്കൂർ മുമ്പ് പുഴയിലും അരുവികളിലും വളരെ ശക്തമായാണ് വെള്ളം കുത്തിയൊലിച്ചെത്തിയത്. നിലവിൽ ഒഴുക്കിൻ്റെ ശക്തി കുറഞ്ഞു. രാത്രിസമയം മഴ കനത്താൽ പ്രദേശവാസികള മാറ്റിപ്പാർപ്പിക്കുന്നതിനുള്ള സജ്ജീകരണങ്ങളും അധികൃതർ ഒരുക്കിയിട്ടുണ്ട്.

മലപ്പുറം ജില്ലയിലെ മുഴുവൻ വാ‍ര്‍ത്തകളും ഒറ്റ ക്ലിക്കിൽ ഇവിടെ വായിക്കാം