'വെൽഫെയർ പാർട്ടി ഒരു മുന്നണിയുടെയും ഭാഗമല്ല'; സിപിമ്മിനെതിരെ ആഞ്ഞടിച്ച് ഹമീദ് വാണിയമ്പലം

മലപ്പുറം: സിപിഎമ്മിനെതിരെ വെൽഫെയർ പാർട്ടി സംസ്ഥാന അധ്യക്ഷൻ ഹമീദ് വാണിയമ്പലം. സിപിഎം തങ്ങൾക്കെതിരെ തീവ്രവാദ ബന്ധം ആരോപിക്കുന്നത് അവരുടെ അവസരവാദത്തെ തുടർന്നാണെന്ന് ഹമീദ് വാണിയമ്പലം മലപ്പുറത്ത് പറഞ്ഞു.

Also Read: കാളികാവിൽ ഏറ്റുമുട്ടുന്നത് ഉറ്റചങ്ങാതിമാർ; ഇരുവർക്കും ഒരു പ്രചാരണഗാനം തയാറാക്കി പ്രവാസിയായ സുഹൃത്ത്!

ഇത്രയും കാലം സിപിഎമ്മുമായി പലയിടങ്ങളിലും ഒന്നിച്ച് ഭരിച്ചു. ഒരു മാസം കൊണ്ടാണ് നിലപാട് മാറിയത്. ഇത്തരം ആരോപണങ്ങൾ ഉന്നയിക്കുന്നവർ അവസരവാദികളാണ്. വെൽഫെയർ പാർട്ടി ഇതുവരെ ആരുടെയും മുന്നണിയുടെ ഭാഗമായി ഇല്ല. ഇപ്പോൾ സ്വീകരിക്കുന്ന നയപരമായ നിലപാടുകൾ സാധാരണ പ്രാദേശിക നീക്കുപോക്കുകൾ മാത്രമാണെന്നും അദ്ദേഹം വ്യക്തമാക്കി.

Also Read: നിലമ്പൂർ- കൊച്ചുവേളി രാജാറാണി എക്‌സ്പ്രസിന്‍റെ സ്റ്റോപ്പുകൾ വെട്ടിക്കുറച്ചതിൽ പ്രതിഷേധം; ടിക്കറ്റ് വിൽപന ആരംഭിച്ചു

ലോകസഭാ തെരഞ്ഞെടുപ്പിലെ നിലപാടാണ് ഇടതുപക്ഷവുമായുള്ള ബന്ധം വഷളാകാൻ കാരണം. കഴിഞ്ഞ മാസം വരെ വെൽഫെയർ പാർട്ടിയുമായി ഒന്നിച്ചു നിന്ന സിപിഎമ്മാണ് ഇപ്പോൾ തീവ്രവാദബന്ധം ആരോപിക്കുന്നത്. ഇത് രാഷ്ട്രീയ വഞ്ചനയാണെന്നും അദ്ദേഹം കുറ്റപ്പെടുത്തി. അതേസമയം കെപിസിസി പ്രസിഡൻ്റ് മുല്ലപ്പള്ളി രാമചന്ദ്രൻ തങ്ങൾക്കെതിരെ തീവ്രവാദബന്ധം ആരോപിച്ചിട്ടില്ലെന്നും ഹമീദ് വാണിയമ്പലം കൂട്ടിച്ചേർത്തു.


മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ


മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ