ലോകകപ്പ് ഫൈനല്‍ മത്സര ദിനം തിരൂരില്‍ റെക്കോര്‍ഡ് മദ്യവില്‍പ്പന

ലോകകപ്പ് ഫൈനൽ മത്സരത്തിൽ തിരൂരിൽ റെക്കോർഡ് മദ്യ വില്പന. സംസ്ഥാനത്ത് ഒന്നാകെ റെക്കോർഡ് മദ്യ വില്പനയാണ് നടന്നത്. ഏറ്റവുമധികം മദ്യം വിറ്റുപോയത് മലപ്പുറം ജില്ലയിലെ തിരൂരിലാണ്. ഫുട്ബോൾ ഭ്രാന്തിന്റെ കാര്യത്തിൽ സംസ്ഥാനത്ത് മലപ്പുറം ജില്ലയ്ക്ക് തന്നെയാണ് മുൻതൂക്കം. ആ ദിവസം മദ്യ വില്പനയിലും ഇപ്പോൾ മുൻതൂക്കം നേടിയിരിക്കുകയാണ് മലപ്പുറം ജില്ല .45 ലക്ഷം രൂപയുടെ മദ്യമാണ് തിരൂരിലെ ഔട്ട്ലെറ്റിലൂടെ അന്നത്തെ ദിവസം വിറ്റു പോയത്. സംസ്ഥാനത്ത് മുഴുവനായി 49.40 കോടി രൂപയുടെ വില്പനയാണ് നടന്നത്. വയനാട് ആണ് മദ്യ വില്പനയുടെ കാര്യത്തിൽ രണ്ടാം സ്ഥാനത്ത്. സാധാരണ ഗതിയിൽ ഓണത്തിനും ക്രിസ്മസിനും പുതുവത്സരാഘോഷത്തിനുമൊക്കെയാണ് ഇത്തരത്തിൽ റെക്കോർഡ് മദ്യ വില്പന ഉണ്ടാകാറ്. ആ റെക്കോര്‍ഡുകളെല്ലാം മറികടന്നിരിക്കുകയാണ് ലോകകപ്പ് ഫൈനൽ ദിനത്തിലെ മദ്യ വില്പന.