മലപ്പുറം: കാന്സറിനുള്ള കീമോ ചികിത്സയുടെ ഭാഗമായി മുടിനഷ്ടപ്പെട്ടവര്ക്ക് തലമുടി വളര്ത്തി മുറിച്ച് നല്കി യുവാവിന്റെ മാതൃക. മലപ്പുറം എടപ്പാള് കോലളമ്പ് കോലത്ത് സ്വദേശിയായ അഫ്സല് എന്ന യുവാവാണ് ലോക്ക് ഡൗണ് വേളയില് തന്റെ തലമുടി പരിപാലിച്ച് വളര്ത്തിയതിന് ശേഷം കാന്സര് രോഗികള്ക്കായി ദാനം ചെയ്തത്.
ബ്ളഡ് ഡോണേഴ്സ് കേരള പൊന്നാനി താലൂക്ക് കമ്മിറ്റി ഭാരവാഹികളുടെ നേതൃത്വത്തിലാണ് യുവാവ് മുടി മുറിച്ച് നല്കിയത്. നേരത്തെ കഴിഞ്ഞ രണ്ടുവര്ഷം താന് ഓമനിച്ചും പരിപാലിച്ചും വളര്ത്തിയ തലമുടി കാന്സര് രോഗികള്ക്ക് ദാനം നല്കി രണ്ടാം ക്ലാസുകാരനും മാതൃകകാണിച്ചിരുന്നു. മലപ്പുറം അങ്ങാടിപ്പുറം ചരക്കാപറമ്പില് മുക്കിലായില് അനീഷ് - ദീപ്തി ദമ്പതികളുടെ മകന് അശ്വന്താണ് കാന്സര് രോഗികള്ക്കായി തന്റെ മുടി മുറിച്ച് നല്കിയത്.
Also Read: മദ്യം വാങ്ങി തോണിയില് പോകുന്നതിനിടെ അഴിമുഖത്ത് ഒഴുക്കില്പ്പെട്ടു; മത്സ്യത്തൊഴിലാളിക്ക് രക്ഷകരായി ഫിഷറീസ് അധികൃതര്
തൃശൂര് അമല ഹോസ്പിറ്റലിലാണ് അശ്വന്തിന്റെ മുടി ദാനം നല്കിയത്. മുടി കൊഴിഞ്ഞ കാന്സര് രോഗികള്ക്കായി വിഗ് ഉണ്ടാക്കാന് മുടി ദാനം നല്കണം എന്ന ആഗ്രഹം സാക്ഷാത്കരിക്കാന്
രണ്ടുവര്ഷത്തോളമാണ് അശ്വന്ത് മുടി നീട്ടി വളര്ത്തുകയായിരുന്നു.
മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ