സോഷ്യല്‍ മീഡിയ വഴി ശല്ല്യം ചെയ്തത് 4 വര്‍ഷം; ഇരയായത് 2000ത്തോളം സ്ത്രീകള്‍, യുവാവ് മലപ്പുറത്ത് അറസ്റ്റില്‍!

മലപ്പുറം: അശ്ലീല സന്ദേശങ്ങളും ചാറ്റുകളുമായി വാട്‌സ്ആപ്പിലൂടെയും ഫേസ്ബുക്കിലൂടെയും രണ്ടായിരത്തോളം സ്ത്രീകളെ ശല്യം ചെയ്ത യുവാവ് മലപ്പുറം താനൂരില്‍ അറസ്റ്റില്‍. മലപ്പറം മഞ്ചേരി സ്വദേശി സനോജ് (32) ആണ് പിടിയിലായത്. ഇയാള്‍ ഫേസ്ബുക്ക് മെസഞ്ചര്‍ വഴി നാലു വര്‍ഷത്തോളമായി സംസ്ഥാനത്തിന്‍റെ വിവിധഭാഗങ്ങളിലുള്ള 2000ഓളം സ്ത്രീകള്‍ക്കാണ് അശ്ലീല സന്ദേശങ്ങളും ചാറ്റുകളുമായി ശല്യപ്പെടുത്തികൊണ്ടിരുന്നതെന്ന് പോലീസ് പറഞ്ഞു.

Also Read: ബിജെപി എന്തുകൊണ്ട് തോറ്റു? നടന്‍ കൃഷ്ണകുമാറിന് ട്രോളന്മാരോട് പറയാനുള്ളത് ഇതാണ്... ചിലപ്പോള്‍ മത്സരിക്കാനും സാധ്യത!!

ഒടുവില്‍ അതേ വഴി തന്നെ താനൂര്‍ പോലീസ് തെരഞ്ഞെടുത്താണ് പ്രതിയെ പിടികൂടിയത്. സ്ത്രീയാണെന്ന വ്യാജേന നാലു ദിവസം ചാറ്റ് ചെയ്തു വരുത്തി അറസ്റ്റ് ചെയ്യുകയായിരുന്നു. പ്രതിയുടെ ഫോണില്‍നിന്ന് ഫേസ്ബുക്ക് മെസഞ്ചര്‍ വഴി വിവിധ ജില്ലകളിലെ സ്ത്രീകളെ ശല്യപ്പെടുത്തിയതായി കണ്ടെത്തി.
ഇതിന്‍റെ പശ്ചാത്തലത്തില്‍ സമൂഹ മാധ്യമങ്ങള്‍ വഴി സ്ത്രീകളെ ശല്യം ചെയ്യുന്നവരെ പോലീസ് നിരീക്ഷിച്ചു വരികയാണെന്നും കൂടുതല്‍ അറസ്റ്റ് അടുത്ത ദിവസങ്ങളില്‍ ഉണ്ടാകുമെന്നും താനൂര്‍ സിഐ പി പ്രമോദ് പറഞ്ഞു. സീനിയര്‍ സിപിഒ സലേഷ് കാട്ടുങ്ങല്‍, സിപിഒ വിമോഷ് തുടങ്ങിയവരുടെ ധൃതഗതിയില്‍ ഉള്ളതും കുറ്റമറ്റതുമായ അന്വേഷണ മികവാണ് പ്രതിയെ അറസ്റ്റ് ചെയ്യാന്‍ സഹായിച്ചത്.

മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ
മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ