പിന്നാലെ നടന്ന് ശല്ല്യം ചെയ്തു... യുവതിയുടെ മോര്‍ഫ് ചെയ്ത നഗ്ന ഫോട്ടോ കാണിച്ച് ഭീഷണിപ്പെടുത്തി, മലപ്പുറത്ത് യുവാവ് അറസ്റ്റില്‍

മലപ്പുറം: യുവതിയുടെ മോര്‍ഫ് ചെയ്ത നഗ്‌ന ഫോട്ടോകളും വീഡിയോകളും കാണിച്ച് ഭീഷണിപ്പെടുത്തി പണം തട്ടികൊണ്ടിരുന്ന യുവാവിനെ താനൂര്‍ പോലീസ് അറസ്റ്റ് ചെയ്തു. മലപ്പുറം പടിഞ്ഞാറ്റു മുറി ചെര പറമ്പില്‍ സുജിഷ്ണു (26)യാണ് യുവതിയുടെ പരാതി പ്രകാരംഅറസ്റ്റ് ചെയ്തത്. യുവതിയെ വിവാഹം കഴിച്ച് കൊടുക്കാത്തതിലുള്ള വിരോധം വെച്ചാണ് യുവതിയുടെ പിന്നാലെ നടന്നു ശല്യം ചെയ്യുകയും പിന്നിട് അശ്ലീലമായി മോര്‍ഫ് ചെയ്ത യുവതിയുടെ ഫോട്ടോ മറ്റുള്ളവര്‍ക്ക് അയച്ചതായും പരാതിയുണ്ടെന്ന് താനൂര്‍ സിഐ പി പ്രമോദ് പറഞ്ഞു, ഒളിവിലായിരുന്ന പ്രതിയെ താനൂര്‍ പോലീസ് അറസ്റ്റ് ചെയ്ത് കേസെടുത്ത് പരപ്പനങ്ങാടി കോടതിയില്‍ ഹാജരാക്കി റിമാന്‍റ് ചെയ്തു.

Also Read: കൊറോണയെ 'പിടിച്ചുകെട്ടാന്‍' പോലീസുകാര്‍ക്ക് രണ്ടാഴ്ചത്തെ സമയപരിധി; കര്‍ശന നടപടിയുമായി സിറ്റി പോലീസ് കമ്മിഷണര്‍!

അതേസമയം മറ്റൊരു രീതിയിലുള്ള തട്ടിപ്പ്‌കേസും നേരത്തെ മലപ്പുറം മേലാറ്റൂരില്‍ റിപ്പോര്‍ട്ട് ചെയ്തിരുന്നു. വാട്സ് ആപ്പിലൂടെ സ്ത്രീയാണെന്ന വ്യാജേന ഇക്കിളിപ്പെടുത്തുന്ന ചാറ്റിങ്ങിലൂടെയും, പഞ്ചാര വര്‍ത്തമാനം പറഞ്ഞും സൗഹൃദം സ്ഥാപിച്ച് യുവാവ് മുസ്ലിം യുവ മതപണ്ഡിതന്‍റെ കയ്യില്‍നിന്നും പണംതട്ടിയതായിരുന്നു കേസ്. വാട്സാപ്പില്‍ പത്തരിയാലിലുള്ള ജസ്നയാണ് താനെന്ന് പരിചയപ്പെടുത്തിയാണ് യുവാവ് മതപണ്ഡിതനുമായി അടുപ്പം സ്ഥാപിച്ചത്. സ്ത്രീയാണെന്ന രീതിയില്‍ തന്നെ യുവാവ് മത പണ്ഡിതനെ വിശ്വസിപ്പിച്ചു. വാട്സ് ആപ്പില്‍ മുഖചിത്രം പൂക്കള്‍ മാത്രമായിരുന്നു. സാധാരണ യുവതികളില്‍ പലരും ഇത്തരത്തില്‍ ഫോട്ടോക്ക് പകരം പൂക്കള്‍ വെക്കുന്നതിനാല്‍ ഇതും മത പണ്ഡിതന്‍ വിശ്വസിച്ചു.

Also Read: ഇത്തവണ ആറന്മുള വള്ളസദ്യയില്ല... ഭക്തര്‍ക്ക് നാലമ്പലത്തിന് പുറത്ത് നിന്ന് ദര്‍ശനം നടത്താം, ഒരേസമയം 5 പേര്‍ മാത്രം

നാല് ദിവസത്തിനുള്ളിലാണ് ഇതെല്ലാം സംഭവിച്ചത്. പരിചയപ്പെടല്‍ കഴിഞ്ഞ ഉടന്‍ തന്നെ സംസാരങ്ങളുടെ രീതിമാറുകയായിരുന്നു. സ്ത്രീയെന്ന വ്യാജേന ചാറ്റിങ്ങിലൂടെ സൗഹൃദം സ്ഥാപിച്ച് പണം കൈവശപ്പെടുത്തിയ യുവാവിനെ പോലീസ് അറസ്റ്റ് ചെയ്തു. മലപ്പുറം മേലാറ്റൂരിലാണ് സംഭവം. കാളികാവ് തോട്ടപ്പശേരി കൃഷ്ണദേവ് (36) ആണ് മേലാറ്റൂര്‍ പോലീസിന്‍റെ പിടിയിലായത്. വേങ്ങൂര്‍ സ്വദേശിയായ യുവ മതപണ്ഡിതനെയാണ് ഇയാള്‍ വലയിലാക്കിയത്.