കൃഷിഭവന്‍ സൗജന്യമായി വിത്ത് നല്‍കി; താനൂരിൽ തരിശുഭൂമിയിൽ നെല്‍കൃഷിയിറക്കി യുവാക്കൾ

മലപ്പുറം: കാര്‍ഷിക മേഖലയിലെ സാധ്യതകള്‍ തിരിച്ചറിഞ്ഞ് താനൂര്‍ മുക്കോലയില്‍ കാര്‍ഷിക വികസന കര്‍ഷക ക്ഷേമ വകുപ്പിന്റെ സഹായത്തോടെ യുവാക്കളുടെ ജൈവ കൂട്ടുകൃഷി. താനൂര്‍ മുക്കോലയിലെ പരിയാപുരം വില്ലേജ് ഓഫീസിന് സമീപം തരിശു ഭൂമിയിലെ രണ്ടേക്കറില്‍ അക്ഷയശ്രീ കൂട്ടായ്മ അംഗങ്ങളാണ് നെല്‍കൃഷിയിറക്കിയിരിക്കുന്നത്.

Also Read: രാഹുൽ ഗാന്ധിയുടെ സമ്മാനം ഏറ്റുവാങ്ങി കാവ്യയും കാർത്തികയും; ആഘോഷങ്ങളില്ലാതെ ഗൃഹപ്രവേശനം

സ്വകാര്യ വ്യക്തിയുടെ ഉടമസ്ഥതയിലുള്ള രണ്ടേക്കര്‍ ഭൂമി പാട്ടത്തിനെടുത്താണ് നെല്‍കൃഷി. നിലമൊരുക്കി ഞാര്‍ നട്ട് പരിപാലനം തുടങ്ങിയ യുവാക്കള്‍ സുഭിക്ഷ കേരളം പദ്ധതി ആനുകൂല്യത്തിനായി താനൂര്‍ നഗരസഭയില്‍ അപേക്ഷ നല്‍കിയിട്ടുണ്ട്. താനൂര്‍ കൃഷിഭവന്‍ സൗജന്യമായി നല്‍കിയ 55 കിലോ നെല്‍ വിത്താണ് കൃഷിയ്ക്കായി ഉപയോഗിച്ചത്. ട്രാക്ടര്‍ ഉപയോഗിച്ചതിനും മറ്റുമായി 50,000 രൂപയോളം കൃഷിക്കായി ഇതിനകം ചെലവ് വന്നതായി കൂട്ടായ്മ സെക്രട്ടറി കെ ഉദയകുമാറും പ്രസിഡന്റ് സി പി ഷിജുവും പറഞ്ഞു.

Also Read: അങ്ങനെ ആലംകോട്ടെ ഈ ജംഗ്ഷൻ മാമാണിപ്പടി ആയി! കുഞ്ഞിപ്പ പറഞ്ഞുതരും ആ കഥ; 51 വര്‍ഷമായി ചങ്ങരംകുളം മേഖലയില്‍ 'വെളിച്ചം തെളിയിച്ച' കുഞ്ഞിപ്പ...

അംഗങ്ങളില്‍ 10 പേര്‍ കല്‍പ്പണിക്കാരും ഒരാള്‍ അധ്യാപകനുമാണ്. സര്‍ക്കാര്‍ സഹായത്തോടെ നെല്‍കൃഷിയ്ക്ക് പുറമേ താറാവ് ഫാമും കൂടു മത്സ്യ കൃഷിയും ഒത്തൊരുമിച്ച് നടത്തുന്നുണ്ട് ഈ കൂട്ടായ്മയിലുള്ളവര്‍. ഓരോ ദിവസവും നിശ്ചിത അംഗങ്ങള്‍ക്കാണ് പരിപാലന ചുമതല. അതേസമയം കൃഷിയെന്ന ഒരു സംസ്കാരം ഇപ്പോൾ പ്രതിദിനം തോറും നശിച്ചുകൊണ്ടിരിക്കുകയാണ്. ഈ ഒരു കൃഷി എന്ന സംസ്കാരത്തെ തിരിച്ചുകൊണ്ടുവരാനുള്ള ശ്രമത്തിൽ കൂടിയാണ് ഈ കൂട്ടായ്മയിലൂടെ ഇവർ ലക്ഷ്യമിടുന്നത്.

മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ

മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ