ആലത്തൂരിൽ വാഷ് വേട്ട തുടരുന്നു; 145 ലിറ്റർ വാഷ് പിടികൂടി

പാലക്കാട്: ആലത്തൂർ എക്‌സൈസ് റേഞ്ച് സംഘം വാഷ് വേട്ട തുടരുന്നു. വണ്ടാഴി തണ്ടൽലോട് ആന്തൂർകുളമ്പിൽ നിന്നും 145 ലിറ്റർ വാഷ് പിടികൂടി. ആലത്തൂർ എക്സൈസ് റേഞ്ച് സംഘത്തിന്റെ ഷാഡോവിന് ലഭിച്ച രഹസ്യവിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് വാഷ് പിടികൂടിയത്.

Also Read: മദ്യത്തിനേക്കാൾ ഇരട്ടി വീര്യമുള്ള ഹോമിയോ മരുന്ന് വിൽപ്പന; പാലക്കാട് മുൻ ഫിഷറീസ് ജീവനക്കാരൻ അറസ്റ്റിൽ! മരുന്ന് കഴിച്ച പലർക്കും ദേഹാസ്വാസ്ഥ്യം!!

ആളൊഴിഞ്ഞ പറമ്പിൽ കന്നാസിലും, കുടത്തിലും, ബക്കറ്റുകളിലുമായി മൂടിവെച്ച നിലയിലാണ് ചാരായം വാറ്റാൻ പാകമായ വാഷ് കണ്ടെത്തിയത്. പരിസരപ്രദേശങ്ങളിൽ നടത്തിയ പരിശോധനയിൽ വാറ്റാൻ ഉപയോഗിക്കുന്ന അടുപ്പ് കണ്ടെത്തി. തുടർന്ന് നടത്തിയ രഹസ്യ അന്വേഷണത്തിൽ നിന്നും വാഷ് കലക്കിയ വ്യക്തികളെക്കുറിച്ച് വിവരം ലഭിച്ചതായും തുടർനടപടികൾ ഉടനുണ്ടാകുമെന്നും എക്സൈസ് ഇൻസ്പെക്ടർ കെ എസ് പ്രശോഭ് അറിയിച്ചു.

Also Read: സൂര്യപ്രകാശം തട്ടാതെ 80 ദിവസങ്ങൾ; വനശ്രീയിൽ വിരിഞ്ഞിറങ്ങിയത് 35 പെരുമ്പാമ്പിന്‍ കുഞ്ഞുങ്ങള്‍

വണ്ടാഴി ഗ്രാമപഞ്ചായത്തിലെ ഏഴാം വാർഡ് മെമ്പറായ ശ്രീമതി, രമ്യപ്രമോദിന്റെ സാന്നിധ്യത്തിൽ പിടിച്ചെടുത്ത വാഷ് നശിപ്പിച്ചു. പരിശോധനയിൽ എക്സൈസ് പ്രിവന്റീവ് ഓഫീസർ ആർ വിനോദ് കുമാർ, സിവിൽ എക്സൈസ് ഓഫീസർമാരായ മധു, മണികണ്ഠൻ, വി ആർ ലിൻഡേഷ്, വിജേഷ്, രഞ്ജിത്ത്, മുഹമ്മദ് യൂനസ് എന്നിവർ പങ്കെടുത്തു. പൊതുജനങ്ങളുടെ പരാതിക്ക് 04922 226020 എന്ന നമ്പറുമായി ബന്ധപ്പെടാവുന്നതാണ്.

Also Read: തണ്ണിത്തോട്ടിൽ ഭീതി പരത്തിയ കടുവയെ പിടിക്കാൻ ശ്രമം; കുങ്കി ആനയെ എത്തിച്ചു, പ്രദേശത്ത് നിരോധനാജ്ഞ