ആലത്തൂരില്‍ 238 പേര്‍ക്ക് ആൻ്റിജൻ പരിശോധനാ ഫലം നെഗറ്റീവ്

പാലക്കാട്: കൊവിഡ് വ്യാപനത്തെ തുടര്‍ന്ന് കണ്ടെയ്ന്‍മെന്റ് സോണായി പ്രഖ്യാപിച്ച ആലത്തൂര്‍ പഞ്ചായത്തില്‍ 238 പേര്‍ക്ക് ആന്റിജന്‍ പരിശോധനയില്‍ നെഗറ്റീവ് ഫലം വന്നത് താല്‍ക്കാലിക ആശ്വാസമായി. ആലത്തൂര്‍ താലൂക്ക് ആശുപത്രിയിലെ 168 പേരുടെയും ആലത്തൂര്‍ പഞ്ചായത്ത് പരിധിയിലെ 70 പേരുടേയും ആന്റിജന്‍ പരിശോധന ഫലമാണ് നെഗറ്റീവായത്. താലൂക്ക് ആശുപത്രി ജീവനക്കാര്‍ക്ക് ആര്‍ടിപിസിആര്‍ ടെസ്റ്റും നടത്തിയിട്ടുണ്ട്. ഇതിന്റെ ഫലം വന്നിട്ടില്ല.

Also Read: മണ്ണാര്‍ക്കാട് നഗരത്തില്‍ ലോക്ക് ഡൗണ്‍ പ്രഖ്യാപിച്ചോ? കടകൾ അടച്ചു; നഗരസഭയുടെ വിശദീകരണം ഇങ്ങനെ

ആലത്തൂര്‍ പഞ്ചായത്ത് കണ്ടെയ്ന്‍മെന്റ് സോണ്‍ ആക്കിയിട്ടുണ്ട്. പഞ്ചായത്തില്‍ അണു നശീകരണ പ്രവര്‍ത്തനവും പുരോഗമിക്കുകയാണ്. താലൂക്ക് ആശുപത്രിയിലെ കൊവിഡ് സ്ഥിരീകരിച്ച മൂന്ന് പേരെ മാങ്ങോട് മെഡിക്കല്‍ കോളേജില്‍ പ്രവേശിപ്പിച്ചു. കഴിഞ്ഞ ദിവസം ആലത്തൂര്‍ താലൂക്ക് ആശുപത്രിയിലെ അഞ്ച് ജീവനക്കാര്‍ക്കും സ്വകാര്യ ആശുപത്രിയിലെ രണ്ട് ജീവനക്കാര്‍ക്കും ഉറവിടമറിയാതെ മൂന്ന് പേര്‍ക്കും കൊവിഡ് സ്ഥിരീകരിച്ചിരുന്നു. ഇതിനെ തുടര്‍ന്നാണ് പഞ്ചായത്താകെ അടച്ചത്.

Also Read: സ്വര്‍ണക്കടത്തില്‍ റമീസ് കുടുങ്ങിയപ്പോള്‍ ആശ്വാസമായത് വനംവകുപ്പിന്‌; 6 വര്‍ഷങ്ങള്‍ക്ക് ശേഷം അറസ്റ്റ്‌

എംഎല്‍എ ഉള്‍പ്പെടുന്ന ആലത്തൂരിലെ ജനപ്രതിനിധികള്‍, ആരോഗ്യ പ്രവര്‍ത്തകര്‍, ആശാ പ്രവര്‍ത്തകര്‍, ബ്ലോക്ക് പഞ്ചായത്ത്, ഗ്രാമപഞ്ചായത്ത് ജീവനക്കാര്‍, സാമൂഹ്യ പ്രവര്‍ത്തകര്‍ എന്നിവരുള്‍പ്പെട്ട 70 പേര്‍ക്ക് ആലത്തൂര്‍ ക്രസന്റ് നഴ്‌സിംഗ് കോളജില്‍ പ്രവര്‍ത്തിക്കുന്ന ഫസ്റ്റ് ലൈന്‍ ട്രീറ്റ്‌മെന്റ് സെന്ററില്‍ വെച്ചാണ് പരിശോധന നടത്തിയത്. താലൂക്ക് ആശുപത്രിയിലെ ഡോക്ടര്‍മാര്‍, നഴ്‌സുമാര്‍, ജീവനക്കാര്‍,അനുബന്ധ പ്രവര്‍ത്തനം നടത്തുന്നവര്‍ എന്നിവരുടെ താലൂക്ക് ആശുപത്രിയില്‍ വെച്ചുമാണ് ആന്റിജന്‍ പരിശോധന നടത്തിയത്.

Also Read: പാലക്കാട്ടെ സിവില്‍ ഡിഫന്‍സ് അംഗങ്ങളും രാജമല ദുരന്തഭൂമിയില്‍