കിണര്‍ വൃത്തിയാക്കാന്‍ ഇറങ്ങി കുടുങ്ങി; 51കാരന് തുണയായത് ആലത്തൂരിലെ അഗ്നി രക്ഷാ സേന

പാലക്കാട്: കിണർ വൃത്തിയാക്കാനിറങ്ങിയപ്പോൾ അമ്പത്തിയൊന്നുകാരനായ ഷാഹുൽ കരുതിയില്ല തിരിച്ചു കയറാൻ കഴിയില്ലെന്ന് . പണി പൂർത്തിയാക്കി മുകളിലേക്ക് കയറാൻ ഒരുങ്ങിയപ്പോഴാണ്‌ കിണറിൽ അകപ്പെട്ടു പോയെന്ന തിരിച്ചറിവുണ്ടായത്. ഭാഗ്യം അഗ്നി രക്ഷാ സേനയുടെ രൂപത്തിലെത്തിയപ്പോൾ തിരിച്ചു മുകളിലെത്തി, ജീവിതത്തിലേക്കും.

Also Read: സൂക്ഷിക്കണം... ഇനി പനിക്കാലം; പാലക്കാട് അഞ്ചുമാസത്തിനിടെ ചികിത്സ തേടിയത് 68,153 പേര്‍!

വെങ്ങന്നൂർ മോസ്കോ മുക്ക് ഇസ്മായിലിന്‍റെ വീട്ടിലെ കിണർ വൃത്തിയാക്കാൻ ഇറങ്ങിയ 51കാരനായ ഷാഹുൽ ആണ് കിണര്‍ വൃത്തിയാക്കിയ ശേഷം 10 അടി വ്യാസവും 30 താഴ്ചയുമുള്ള കിണറില്‍ നിന്ന് തിരിച്ച് കേറാനാവാതെ കുടുങ്ങിയത്. ആലത്തൂർ അഗ്നിരക്ഷാ സേനയെ വിവരമറിയിച്ചതിനെതുടര്‍ന്ന്
കുതിച്ചെത്തിയ സേനാംഗങ്ങൾ നെറ്റും റോപ്പും ഉപയോഗിച്ച് കിണറിൽ നിന്നും അദേഹത്തെ സുരക്ഷിതമായി പുറത്തെത്തിച്ചു.

Also Read: പലഹാരം ഉണ്ടാക്കുന്നതിനിടെ വസ്ത്രത്തിൽ തീ പിടിച്ചു; ചികിത്സയിലായിരുന്ന വിദ്യാര്‍ഥിനി മരിച്ചു, സംഭവം കാസർകോട്

ആലത്തൂർ അഗ്നിരക്ഷാ നിലയം ഉപമേധാവി കെ. വേലായുധന്‍റെ നേതൃത്വത്തിൽ ലൂക്കോസ് തോമസ്, മുസ്തഫ, കുര്യാക്കോസ് ഗിരീഷ് കുമാർ, മുത്തുക്കുട്ടി, പ്രവീൺ, രതീഷ്, ഹോം ഗാർഡ്മാരായ അനിൽകുമാർ, ജ്യോതി, രാമദാസൻ, രാജൻ എന്നിവർ രക്ഷാ പ്രവര്‍ത്തനങ്ങളില്‍ പങ്കെടുത്തു.