ഓണ്‍ലൈന്‍ പഠനത്തിന് നല്‍കിയ ഫോണില്‍ അശ്ലീല വിഡിയോ; പാലക്കാട് പി ഹണ്ടില്‍ കുടുങ്ങി പതിമൂന്നുകാരന്‍

പാലക്കാട്: കുട്ടികളുടെ അശ്ലീല വിഡിയോകള്‍ കാണുകയും പ്രചരിപ്പിയ്ക്കുകയും ചെയ്യുന്നവരെ പിടികൂടാനായി കേരളാ പോലിസ് നടത്തുന്ന പി ഹണ്ട് ഓപറേഷനില്‍ പതിമൂന്നുകാരനും കുടുങ്ങി. കൊല്ലങ്കോട് നെന്മാറ സ്വദേശിയായ വിദ്യാര്‍ത്ഥിയാണ് പോലിസ് പിടിയിലായത്. അശ്ലീല വെബ്‌സൈറ്റുകള്‍ സന്ദര്‍ശിക്കുകയും മണിയ്ക്കൂറുകളോളം ദൃശ്യങ്ങള്‍ കാണുകയും ഡൗണ്‍ലോഡ് ചെയ്യുകയും ചെയ്തതോടെയാണ് പോലിസ് നിരീക്ഷിയ്ക്കാന്‍ തുടങ്ങിയത്. ചെറിയ കുട്ടികളുടെ പോണ്‍ ദൃശ്യങ്ങളാണ് കൂടുതലായി കണ്ടിരുന്നത്.

Also Read: കണ്ണൂരില്‍ ലഹരി ഒഴുകുന്നു... തളിപ്പറമ്പിലും വൻ മയക്കുമരുന്ന് വേട്ട, യുവതി അടക്കം 7 പേര്‍ അറസ്റ്റില്‍

ദിനം പ്രതി രണ്ടര മണിയ്ക്കൂര്‍ മുതല്‍ മൂന്നര മണിയ്ക്കൂര്‍ വരെ അശ്ലീല സൈറ്റുകളിലെ സന്ദര്‍ശകനായിരന്നു പതിമൂന്നുകാരന്‍. സൈബര്‍ പോലിസ് വിദഗ്ദ്ധരാണ് ഐപി വിലാസം ഉപയോഗിച്ച് പതിമൂന്നുകാരനെ കണ്ടെത്തിയത്. ഓണ്‍ലൈന്‍ ക്ലാസിന് ഉപയോഗിയ്ക്കുന്ന അച്ഛന്റെ ഫോണില്‍നിന്നാണ് കുട്ടി അശ്ലീല വൈബ്‌സൈറ്റുകള്‍ സന്ദര്‍ശിച്ചിരുന്നത്. ഈ ഫോണ്‍ തെളിവുശേഖരണത്തിനായി പോലിസ് പിടിച്ചെടുത്തു. ഡൗണ്‍ലോഡ് ചെയ്ത് കണ്ടുകഴിഞ്ഞ ദൃശ്യങ്ങള്‍ ഡിലിറ്റ് ചെയ്തിരുന്നു.

Also Read: കണ്ണൂരിലും മയക്കു മരുന്ന് മാഫിയ; ഡിജെ പാര്‍ട്ടിയും ലഹരിയും... വിറ്റഴിക്കുന്നത് ഗുളിക രൂപത്തില്‍, ഇരിക്കൂര്‍ സ്വദേശി അറസ്റ്റില്‍

ഈ ദൃശ്യങ്ങള്‍ വീണ്ടെടുക്കുന്നതിനായി ഫോണ്‍ വിദഗ്ദ്ധര്‍ക്ക് കൈമാറുമെന്ന് പോലിസ് ഇന്‍സ്‌പെക്ടര്‍ എ ദീപകുമാര്‍ പറഞ്ഞു. എഡിജിപി മനോജ് എബ്രഹാമിന്റെ നേതൃത്വത്തിലാണ് കേരളാ പോലിസ് ഓപറേഷന്‍ പി ഹണ്ട് നടത്തുന്നത്. രണ്ടു വര്‍ഷമായി തുടരുന്ന റെയ്ഡുകളില്‍ 527 കേസുകളാണ് രജിസ്റ്റര്‍ ചെയ്തത്. 430 പേര്‍ അറസ്റ്റിലാവുകയും ചെയ്തിരുന്നു. അറസ്റ്റിലായവരല്‍ ഏറെയും ഐടി മേഖലയില്‍ ജോലി ചെയ്യുന്നവരും പ്രഫഷണലുകളുമാണ്. ഓപ്പറേഷന്‍ പി ഹണ്ടില്‍ കേരളാ പോലിസിനെ നൊബേല്‍ ജേതാവ് കൈലാഷ് സത്യാര്‍ത്ഥി അഭിനന്ദിച്ചിരുന്നു.

പാലക്കാട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ
പാലക്കാട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ