ചെറുകോല്‍പുഴ ജ്ഞാനാനന്ദ ആശ്രമം മഠാധിപതി സ്വാമി ചിദ്ഭവാനന്ദ സരസ്വതി സമാധിയായി

പാലക്കാട്: പത്തനംതിട്ട അയിരൂര്‍ ചെറുകോല്‍പുഴ ജ്ഞാനാനന്ദ ആശ്രമം മഠാധിപതി സ്വാമി ചിദ്ഭവാനന്ദ സരസ്വതി (82) സമാധിയായി. ഇന്ന് രാവിലെ 6.45 ന് പാലക്കാട് കല്ലേക്കുളങ്ങര ശിവാനന്ദാശ്രമത്തിൽ വെച്ച് വാര്‍ധക്യസഹജമായ അസുഖത്തെ തുടർന്നാണ് സമാധി. ഗുരുപൂര്‍ണിമ ആഘോഷത്തിനായാണ് കഴിഞ്ഞ മാസം 21 ന് സ്വാമി പാലക്കാട് എത്തിയത്.

Also Read: അടൂരിൽ കാറും സ്കൂട്ടറും കൂട്ടിയിടിച്ച് നഴ്സിംഗ് ട്യൂട്ടർ മരിച്ചു
ചെറുകോല്‍പ്പുഴ ഹിന്ദുമത പരിഷത്തിൻ്റെ പ്രധാന പ്രവര്‍ത്തകനായിരുന്നു. സ്വാമി നിത്യാനന്ദ സരസ്വതിയാണ് ഗുരു. 1999 ല്‍ പാലക്കാട് ശിവാനന്ദാശ്രമത്തില്‍ നിന്നാണ് ദീക്ഷ സ്വീകരിച്ചത്.
ഉച്ചക്ക് രണ്ടിന് ശിവാനന്ദാശ്രമത്തില്‍ നടന്ന ചടങ്ങില്‍ സ്വാമി സ്വരൂപാനന്ദ സരസ്വതി, നല്ലേപ്പിള്ളി നാരായണാലയ ആശ്രമം സ്വാമി സന്മായാനന്ദ സരസ്വതി, സംന്യസിസഭ ജനറല്‍ സെക്രട്ടറി സ്വാമി പ്രഭാകരാനന്ദ സരസ്വതി, ഓലശേരി സ്വാമി കൃഷ്ണാത്മാനന്ദ സരസ്വതി, സ്വാമി പ്രണവാനന്ദ സരസ്വതി, സ്വാമി ജയമണികണ്ഠ സരസ്വതി തുടങ്ങിയവര്‍ ആദരാഞ്ജലികള്‍ അര്‍പ്പിച്ചു. തുടര്‍ന്ന് ചീക്കുഴി ജ്ഞാനാനന്ദ സമാധി മന്ദിരത്തില്‍ അഗ്‌നി സമാധിയിരുത്തി. സ്വാമി പ്രഭാകരാനന്ദ സമാധിക്ക് അഗ്‌നി പകര്‍ന്നു. ലോക്ക് ഡൗണ്‍ മാനദണ്ഡങ്ങള്‍ പാലിച്ചായിരുന്നു ചടങ്ങുകള്‍ നടന്നത്.

Also Read: 'ഷംന കാസിം രക്ഷപ്പെട്ടത് തലനാരിഴയ്ക്ക്!!; നടന്നത് ക്രിമിനല്‍ ഗ്യാങ്ങിൻ്റെ ഓപ്പറേഷന്‍'

Also Read: കോട്ടയത്ത് ജോസഫ് വിഭാഗത്തിന് ഈ സീറ്റ് മാത്രമോ? കോൺഗ്രസിലെ സീറ്റു മോഹികൾ കൂട്ടത്തോടെ കോട്ടയത്തേയ്ക്ക്! ലക്ഷ്യം കേരള കോൺഗ്രസിൻ്റെ സീറ്റുകൾ