അട്ടപ്പാടിയിൽ നിരീക്ഷണത്തിലിരിക്കെ മരണം; യുവാവിന് കൊവിഡ് ഇല്ല

പാലക്കാട്: അട്ടപ്പാടിയിൽ കൊവിഡ്-19 നിരീക്ഷണത്തിലിരിക്കെ മരിച്ച യുവാവിൻ്റെ സാംപിൾ പരിശോധന ഫലം നെഗറ്റീവ്. ഷോളയൂർ വരകംപതി ഊരിലെ യുവാവ് മരിച്ചത് കൊവിഡ് മൂലമല്ലെന്ന് ഡിഎംഒ കെ പി റീത്ത അറിയിച്ചു. വരകംപതി സ്വദേശി കാര്‍ത്തിക് (23) ആണ് മരിച്ചത്.

Also Read: അതിര്‍ത്തികളില്‍ പരിശോധനയില്ല, ലക്ഷക്കണക്കിന് രൂപയുടെ കര്‍ണാടക വിദേശമദ്യം സംസ്ഥാനത്തേക്ക് ഒഴുകുന്നു

കഴിഞ്ഞ മാസം കോയമ്പത്തൂരില്‍ ഒരു വിവാഹ ചടങ്ങില്‍ പങ്കെടുത്ത ഇയാള്‍ ഏപ്രില്‍ 29ന് വനത്തിലൂടെ നടന്നാണ് അതിര്‍ത്തി കടന്ന് ഊരില്‍ തിരിച്ചെത്തിയത്. ഊരില്‍ എത്തിയശേഷം കാര്‍ത്തിക് ആശുപത്രിയില്‍ എത്തി പരിശോധന നടത്തുകയും വീട്ടില്‍ നിരീക്ഷണത്തില്‍ കഴിയുകയുമായിരുന്നു.

Also Read: പേരാവൂരിൽ ആദിവാസി യുവതി ജീവനൊടുക്കി! വിവരമറിഞ്ഞ് ആത്മഹത്യയ്ക്ക് ശ്രമിച്ച ഭർത്താവ് ഗുരുതരാവസ്ഥയിൽ

കഴിഞ്ഞ ബുധനാഴ്ച പനിയും ഛര്‍ദ്ദിയും വയറുവേദനയും അനുഭവപ്പെട്ടതിനെ തുടര്‍ന്ന് കാര്‍ത്തിക്കിനെ കോട്ടത്തറ ട്രൈബല്‍ സ്‌പെഷാലിറ്റി ആശുപത്രിയില്‍ പ്രവേശിപ്പിച്ചു. പിന്നീട് പെരിന്തല്‍മണ്ണ ഇഎംഎസ് ആശുപത്രിയിലേക്ക് മാറ്റി. ഇവിടെനിന്ന് രോഗം മൂര്‍ച്ഛിച്ചതിനെ മഞ്ചേരി മെഡിക്കൽ കോളേജിലേയ്ക്ക് കൊണ്ടു പോകുന്നതിനിടെ ഇന്ന് പുലർച്ചെ നാലിനാണ് യുവാവ് മരിച്ചത്. അതേസമയം യുവാവിൻ്റെ എലിപ്പനി പരിശോധനാ ഫലം രണ്ട് ദിവസത്തിനകം ലഭിക്കും.

Also Read: കൊവിഡ് 19: കോഴിക്കോട് ജില്ലയിലെ 23 പൊതു ഇടങ്ങളിൽ ആരോഗ്യ സ്ക്രീനിംഗ്