കൊഴിഞ്ഞാമ്പാറയില്‍ അതീവ ജാഗ്രത; മരണശേഷം കൊവിഡ് സ്ഥിരീകരിച്ച ബാര്‍ബര്‍ഷോപ്പ് ഉടമയുടെ സമ്പര്‍ക്ക പട്ടിക 100 കടന്നു
കഴിഞ്ഞ തിങ്കളാഴ്ചയാണ് കണ്ണപ്പന്‍ മരണപ്പെട്ടത്. ഇയാളുടെ വീട്ടുകാരും സലൂണിലെ ജീവനക്കാരനുമടക്കം ഉള്‍പ്പെടുന്നതാണ് സമ്പര്‍ക്ക പട്ടിക. സ്ഥാപനത്തില്‍ വന്നു പോയവരുടെ വിവരങ്ങള്‍ സംബന്ധിച്ച് രേഖകള്‍ സൂക്ഷിച്ചിട്ടില്ല.
| Edited by Samayam Desk | Lipi6 Aug 2020, 5:50 pm
പാലക്കാട്: ഹൃദയാഘാതത്തെ തുടര്‍ന്ന് മരണപ്പെട്ട ശേഷം കൊവിഡ് സ്ഥിരീകരിച്ച കൊഴിഞ്ഞാമ്പാറയിലെ ബാര്‍ബര്‍ ഷോപ്പ് ഉടമയായിരുന്ന പാറുമാന്‍ചള്ള മണി എന്ന കണ്ണപ്പന്‍റെ സമ്പര്‍ക്കപ്പട്ടിക 100 കടന്നതായി ആരോഗ്യ വകുപ്പ്. പ്രാഥമിക സമ്പര്‍ക്ക പട്ടികയിലെ മറ്റുള്ളവരുടെ ആന്റിജന്‍ പരിശോധന വെള്ളിയാഴ്ച കൊഴിഞ്ഞാമ്പാറയിലെ എ.ആര്‍. മണ്ഡപത്തില്‍ നടത്തുന്നതിനുള്ള സജ്ജീകരണങ്ങള്‍ ഒരുക്കി. ബാര്‍ബര്‍ഷാപ്പ് ജീവനക്കാരന് ചിറ്റൂര്‍ ഗവ: ആശുപത്രിയില്‍ നടത്താനിരുന്ന ആന്റിജന്‍ ടെസ്റ്റും എ.ആര്‍.മണ്ഡപത്തില്‍ തന്നെ നടക്കും.
കഴിഞ്ഞ തിങ്കളാഴ്ചയാണ് കണ്ണപ്പന്‍ മരണപ്പെട്ടത്. ഇയാളുടെ വീട്ടുകാരും സലൂണിലെ ജീവനക്കാരനുമടക്കം ഉള്‍പ്പെടുന്നതാണ് സമ്പര്‍ക്ക പട്ടിക. സ്ഥാപനത്തില്‍ വന്നു പോയവരുടെ വിവരങ്ങള്‍ സംബന്ധിച്ച് രേഖകള്‍ സൂക്ഷിച്ചിട്ടില്ല. ജീവനക്കാരനില്‍ നിന്നും ലഭ്യമായ വിവരം ശേഖരിച്ചാണ് ആരോഗ്യ വകുപ്പ് സമ്പര്‍ക്ക പട്ടിക തയാറാക്കിയിട്ടുള്ളത്. ഇതില്‍ ഉള്‍പ്പെടാത്ത ബാര്‍ബര്‍ ഷോപ്പില്‍ എത്തിയവര്‍ ആരോഗ്യ വകുപ്പുമായോ പോലീസുമായോ ബന്ധപ്പെടാനും നിര്‍ദ്ദേശം നല്‍കിയിട്ടുണ്ട്.
ഇതിനു പുറകെ പഞ്ചായത്തില്‍ ഒരാള്‍ക്കുകൂടി രോഗം സ്ഥിരീകരിച്ചു. കോയമ്പത്തൂരില്‍ നിന്ന് വന്ന് ക്വാറന്റെനില്‍ കഴിഞ്ഞിരുന്ന കരുവപ്പാറ സ്വദേശിനിക്കാണ് കൊവിഡ് സ്ഥിരീകരിച്ചത്. എരുത്തേമ്പതി പഞ്ചായത്തില്‍ ആര്‍.വി. പുതൂരില്‍ ഒരാള്‍ക്കും രോഗം സ്ഥിരീകരിച്ചതായി ആരോഗ്യ വകുപ്പ് അധികൃതര്‍ പറഞ്ഞു. കൊഴിഞ്ഞാമ്പാറയില്‍ പോലിസ് നിരീക്ഷണം ശക്തമാക്കിയിട്ടുണ്ട്.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
